ᱪᱟᱥᱵᱟᱥ ᱫᱚ ᱵᱷᱟᱨᱚᱛ ᱫᱤᱥᱚᱢ ᱨᱮᱭᱟᱜ ᱠᱟᱹᱣᱰᱤ ᱟᱹᱨᱤ ᱨᱮ ᱢᱩᱬ ᱵᱷᱟᱜᱽ ᱠᱟᱱᱟ ᱾ ᱱᱚᱣᱟ ᱫᱚ ᱫᱤᱥᱚᱢ ᱨᱮᱱ ᱟᱫᱷᱟ ᱦᱚᱲᱟᱜ ᱡᱤᱭᱚᱱ ᱠᱷᱟᱱᱰᱟᱣ ᱨᱮ ᱜᱚᱲᱚᱭ ᱮᱢᱟ ᱠᱚᱣᱟ ᱟᱨ ᱫᱤᱥᱚᱢ ᱨᱮᱱᱟᱜ ᱡᱚᱢᱟᱜ ᱨᱩᱠᱷᱤᱭᱟᱹ ᱦᱚᱸᱭ ᱫᱚᱦᱚᱭᱟ ᱾ ᱢᱤᱫ ᱩᱛᱱᱟᱹᱣ ᱫᱤᱥᱚᱢ ᱵᱮᱱᱟᱣ ᱨᱮᱭᱟᱜ ᱡᱚᱥ ᱫᱚ ᱟᱹᱰᱤ ᱡᱩᱨ ᱠᱚ ᱠᱟᱹᱢᱤ ᱠᱟᱱᱟ, ᱟᱨ ᱱᱚᱣᱟ ᱡᱤᱛᱠᱟᱹᱨ ᱞᱟᱹᱜᱤᱫ, ᱱᱚᱣᱟ ᱞᱟᱹᱠᱛᱤᱭᱟᱱ ᱜᱮᱭᱟ ᱡᱮ ᱱᱟᱯᱟᱭ ᱪᱟᱥᱵᱟᱥ, ᱱᱟᱣᱟ ᱪᱟᱥ ᱵᱮᱵᱷᱟᱨ, ᱟᱨ ᱠᱤᱥᱟᱹᱬ ᱪᱟᱥᱤ ᱠᱚᱣᱟᱜ ᱵᱩᱱᱤᱭᱟᱹᱫᱽ ᱵᱮᱱᱟᱣ ᱦᱩᱭᱩᱜ ᱾ ᱵᱤᱠᱥᱤᱛ ᱠᱨᱤᱥᱤ ᱥᱚᱝᱠᱚᱞᱯᱚ ᱟᱵᱷᱤᱭᱟᱱ ᱫᱚ ᱪᱟᱥ ᱟᱨ ᱪᱟᱥᱤ ᱠᱚ ᱵᱷᱟᱹᱞᱟᱹᱭ ᱢᱚᱱᱛᱨᱟᱞᱚᱭ ᱯᱟᱦᱴᱟ ᱠᱷᱚᱱ ᱢᱤᱫ ᱩᱫᱜᱟᱹᱣ ᱠᱟᱱᱟ ᱾ ᱱᱚᱣᱟ ᱫᱚ ᱪᱟᱥ ᱠᱟᱹᱢᱤ ᱨᱮ ᱱᱟᱣᱟ ᱱᱟᱣᱟ ᱨᱤᱥᱚᱨᱪ ᱟᱨ ᱴᱮᱠᱱᱚᱞᱚᱡᱤ ᱠᱚ ᱫᱤᱥᱚᱢ ᱨᱮᱱ ᱪᱟᱥᱤ ᱠᱚ ᱴᱷᱮᱱ ᱥᱮᱴᱮᱨ ᱞᱟᱹᱜᱤᱫ ᱠᱟᱱᱟ ᱾ ᱱᱚᱣᱟ ᱠᱮᱢᱯᱮᱱ ᱫᱚ ᱥᱮᱨᱢᱟ ᱨᱮ ᱵᱟᱨ ᱫᱷᱟᱣ ᱦᱩᱭᱩᱜᱼᱟ, ᱠᱷᱟᱨᱤᱯᱷ ᱟᱨ ᱨᱟᱵᱤ ᱪᱟᱥ ᱨᱮᱱᱟᱜ ᱚᱠᱛᱚ ᱢᱟᱬᱟᱝ ᱨᱮ ᱾ ᱒᱐᱒᱕ ᱥᱟᱞ ᱨᱮᱭᱟᱜ ᱯᱨᱤ-ᱠᱷᱟᱨᱤᱯᱷ ᱠᱮᱢᱯᱮᱱ ᱫᱚ ᱒᱙ ᱢᱮ ᱠᱷᱚᱱ ᱑᱒ ᱡᱩᱱ ᱒᱐᱒᱕ ᱫᱷᱟᱹᱵᱤᱡ ᱪᱟᱞᱟᱜᱼᱟ ᱾ ᱪᱟᱥ ᱟᱨ ᱪᱟᱥᱤ ᱠᱚ ᱵᱷᱟᱹᱞᱟᱹᱭ ᱢᱚᱱᱛᱨᱟᱞᱚᱭ ᱪᱟᱥ ᱟᱨ ᱪᱟᱥᱤ ᱠᱚ ᱵᱷᱟᱹᱞᱟᱹᱭ ᱢᱚᱱᱛᱨᱟᱞᱚᱭ ᱨᱮᱱᱟᱜ ᱢᱩᱬ ᱡᱚᱥ ᱫᱚ ᱫᱤᱥᱚᱢ ᱨᱮᱱ ᱑.᱔᱕ ᱵᱤᱞᱤᱭᱚᱱ ᱦᱚᱲ ᱞᱟᱹᱜᱤᱫ ᱡᱚᱢᱟᱜ ᱨᱩᱠᱷᱤᱭᱟᱹ ᱮᱢ ᱜᱮ ᱠᱟᱱᱟ ᱾ ᱚᱱᱟ ᱥᱟᱶᱛᱮ ᱱᱟᱯᱟᱭ ᱡᱚᱢᱟᱜ ᱧᱟᱢᱚᱜ, ᱪᱟᱥᱤ ᱠᱚᱣᱟᱜ ᱟᱨᱡᱟᱣ ᱵᱷᱟᱹᱜᱤ ᱦᱩᱭᱩᱜ, ᱟᱨ ᱦᱟᱹᱡᱩᱜ ᱫᱤᱱ ᱞᱟᱹᱜᱤᱫ ᱫᱟᱨᱮ ᱱᱟᱹᱲᱤ ᱥᱟᱢᱵᱷᱟᱲᱟᱣ ᱦᱩᱭᱩᱜ ᱾ ᱱᱚᱣᱟ ᱡᱚᱥ ᱯᱩᱨᱟᱹᱣ ᱞᱟᱹᱜᱤᱫ, ᱢᱚᱱᱛᱨᱟᱞᱚᱭ ᱫᱚ ᱛᱩᱨᱩᱭ ᱜᱚᱴᱟᱝ ᱯᱚᱭᱮᱱᱴ ᱨᱮᱱᱟᱜ ᱯᱞᱟᱱ ᱮ ᱫᱚᱦᱚ ᱟᱠᱟᱫᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ: ᱪᱟᱥ ᱵᱟᱹᱲᱛᱤ ᱩᱛᱯᱟᱹᱫᱟᱱ ᱦᱩᱭᱩᱜ ᱪᱟᱥ ᱨᱮᱱᱟᱜ ᱠᱷᱚᱨᱪᱟ ᱠᱚᱢ ᱦᱩᱭᱩᱜ ᱪᱟᱥ ᱨᱮᱱᱟᱜ ᱡᱤᱱᱤᱥ ᱨᱮ ᱴᱷᱤᱠ ᱫᱟᱢ ᱧᱟᱢᱚᱜ ᱫᱟᱜ ᱡᱟᱹᱯᱩᱫ ᱠᱷᱟᱹᱛᱤᱨ ᱦᱩᱭᱩᱜ ᱠᱟᱱ ᱱᱩᱠᱥᱟᱱ ᱵᱷᱚᱨᱯᱟᱭ ᱦᱩᱭᱩᱜ ᱵᱷᱮᱜᱟᱨ ᱵᱷᱮᱜᱟᱨ ᱪᱟᱥ ᱠᱚ ᱩᱫᱜᱟᱹᱣ ᱦᱩᱭᱩᱜ ᱡᱟᱦᱟᱸ ᱫᱚ ᱫᱟᱢᱟᱱ ᱡᱤᱱᱤᱥ ᱟᱨ ᱡᱚᱢᱟᱜ ᱵᱮᱱᱟᱣ ᱥᱟᱶ ᱡᱩᱲᱟᱹᱭ ᱢᱮᱱᱟᱜᱼᱟ ᱟᱨ ᱫᱟᱨᱮ ᱱᱟᱹᱲᱤ ᱟᱨ ᱚᱨᱜᱟᱱᱤᱠ ᱪᱟᱥ ᱠᱚ ᱩᱫᱜᱟᱹᱣ ᱦᱩᱭᱩᱜ ᱠᱮᱢᱯᱮᱱ ᱵᱟᱵᱚᱛ “ᱵᱤᱠᱥᱤᱛ ᱠᱨᱤᱥᱤ ᱥᱚᱝᱠᱚᱞᱯᱚ ᱟᱵᱷᱤᱭᱟᱱ” ᱫᱚ ᱟᱭᱢᱟ ᱪᱟᱥ ᱵᱟᱥ ᱜᱟᱶᱛᱟ ᱠᱚᱣᱟᱜ ᱠᱩᱨᱩᱢᱩᱴᱩᱭ ᱡᱩᱢᱤᱫ ᱟᱠᱟᱜᱼᱟ ᱾ ᱚᱱᱟ ᱠᱚ ᱢᱩᱸᱫᱽ ᱨᱮ ᱟᱭᱤᱥᱤᱟᱨ ᱨᱮᱱ ᱑᱑᱓ ᱜᱚᱴᱟᱝ ᱨᱤᱥᱚᱨᱪ ᱤᱱᱥᱴᱤᱴᱭᱩᱴ, ᱪᱟᱥ ᱵᱟᱥ ᱤᱭᱩᱱᱤᱵᱷᱚᱨᱥᱤᱴᱤ, ᱯᱚᱱᱚᱛ ᱥᱚᱨᱠᱟᱨ ᱨᱮᱱ ᱵᱤᱵᱷᱟᱜᱽ, ᱱᱟᱣᱟ ᱪᱟᱥᱤ ᱠᱚ, ᱟᱨ ᱪᱟᱥᱤ-ᱩᱛᱯᱟᱹᱫᱟᱱ ᱜᱟᱶᱛᱟ (ᱮᱯᱷᱯᱤᱳ) ᱠᱚ ᱢᱮᱱᱟᱜ ᱠᱚᱣᱟ ᱾ ᱱᱚᱣᱟ ᱡᱩᱢᱤᱫᱽ ᱠᱟᱛᱮ ᱠᱟᱹᱢᱤ ᱦᱚᱨᱟ ᱫᱚ ᱥᱟᱭᱤᱱᱥ ᱨᱤᱥᱚᱨᱪ ᱫᱚ ᱚᱠᱛᱚ ᱥᱟᱞᱟᱜ ᱢᱮᱞᱟᱣ ᱠᱟᱛᱮ ᱪᱟᱥ ᱵᱟᱥ ᱨᱮ ᱞᱟᱹᱠᱛᱤ ᱠᱟᱱ ᱡᱤᱱᱤᱥ ᱠᱚ ᱥᱟᱞᱟᱜ ᱡᱩᱲᱟᱹᱭ ᱢᱮᱱᱟᱜᱼᱟ ᱾ ᱱᱤᱛᱚᱜ ᱫᱚ ᱑᱖,᱐᱐᱐ ᱜᱟᱱ ᱪᱟᱥ ᱵᱟᱥ ᱥᱟᱬᱮᱥᱤᱭᱟᱹ ᱨᱤᱥᱚᱨᱪ ᱨᱮ ᱠᱟᱹᱢᱤ ᱠᱟᱱᱟ ᱠᱚ, ᱟᱨ ᱱᱚᱣᱟ ᱠᱮᱢᱯᱮᱱ ᱨᱮᱱᱟᱜ ᱡᱚᱥ ᱫᱚ ᱱᱚᱣᱟ ᱜᱮ ᱠᱟᱱᱟ ᱡᱮ ᱩᱱᱠᱩᱣᱟᱜ ᱠᱟᱹᱢᱤ ᱫᱚ ᱪᱟᱥᱤ ᱠᱚ ᱞᱟᱹᱜᱤᱫ ᱥᱚᱡᱷᱮ ᱟᱨ ᱞᱟᱹᱠᱛᱤᱭᱟᱱ ᱦᱩᱭᱩᱜ ᱾ ᱱᱚᱣᱟ ᱩᱫᱜᱟᱹᱣ ᱨᱮᱱᱟᱜ ᱦᱟᱹᱴᱤᱧ ᱞᱮᱠᱟᱛᱮ, ᱒,᱑᱗᱐ ᱜᱚᱴᱟᱝ ᱮᱠᱥᱯᱚᱨᱴ ᱴᱤᱢ ᱡᱟᱦᱟᱸ ᱨᱮ ᱠᱚᱢ ᱠᱷᱚᱱ ᱠᱚᱢ ᱨᱮᱦᱚᱸ ᱯᱩᱱᱭᱟᱹ ᱥᱟᱬᱮᱥᱤᱭᱟᱹ ᱢᱮᱱᱟᱜ ᱠᱚᱣᱟ, ᱩᱱᱠᱩ ᱫᱚ ᱒᱙ ᱢᱮ ᱠᱷᱚᱱ ᱑᱒ ᱡᱩᱱ ᱒᱐᱒᱕ ᱵᱷᱤᱛᱤᱨ ᱨᱮ ᱗᱒᱓ ᱜᱚᱴᱟᱝ ᱡᱤᱞᱟᱹ ᱨᱮᱱᱟᱜ ᱖᱕,᱐᱐᱐ ᱠᱷᱚᱱ ᱵᱟᱹᱲᱛᱤ ᱟᱹᱛᱩ ᱠᱚ ᱫᱟᱬᱟᱱᱟ ᱾ ᱱᱚᱣᱟ ᱴᱤᱢ ᱨᱮ ᱪᱟᱥ ᱵᱟᱥ ᱤᱭᱩᱱᱤᱵᱷᱚᱨᱥᱤᱴᱤ, ᱨᱤᱥᱚᱨᱪ ᱤᱱᱥᱴᱤᱴᱭᱩᱴ, ᱥᱚᱨᱠᱟᱨ ᱵᱤᱵᱷᱟᱜᱽ, ᱱᱟᱣᱟ ᱪᱟᱥᱤ ᱠᱚ, ᱟᱨ ᱮᱯᱷᱯᱤᱳ ᱠᱚᱨᱮᱱ ᱦᱚᱲ ᱠᱚ ᱥᱮᱞᱮᱫ ᱠᱚ ᱛᱟᱦᱮᱱᱟ ᱾ ᱩᱱᱠᱩ ᱫᱚ ᱫᱤᱱᱟᱹᱢ ᱜᱮ ᱥᱮᱛᱟᱜ, ᱧᱤᱫᱟᱹ, ᱟᱨ ᱟᱹᱭᱩᱵ ᱵᱮᱲᱟ ᱪᱟᱥᱤ ᱠᱚ ᱥᱟᱶ ᱥᱚᱡᱷᱮ ᱜᱟᱞᱢᱟᱨᱟᱣ ᱠᱚ ᱫᱚᱦᱚᱭᱟ ᱾ ᱱᱚᱣᱟ ᱴᱤᱢ ᱠᱚ ᱚᱛ ᱦᱟᱥᱟ ᱨᱮᱱᱟᱜ ᱦᱚᱭ ᱦᱤᱥᱤᱫ, ᱚᱛ ᱦᱟᱥᱟ ᱨᱮ ᱪᱮᱫ ᱡᱤᱱᱤᱥ ᱢᱮᱱᱟᱜᱼᱟ, ᱫᱟᱜ ᱧᱟᱢᱚᱜ ᱨᱮᱱᱟᱜ ᱦᱚᱨ, ᱟᱨ ᱫᱟᱜ ᱡᱟᱹᱯᱩᱫ ᱦᱩᱭᱩᱜ ᱨᱮᱱᱟᱜ ᱦᱚᱨ ᱠᱚ ᱧᱮᱞᱟ ᱾ ᱚᱛ ᱦᱟᱥᱟ ᱨᱮᱱᱟᱜ ᱦᱮᱞᱛᱷ ᱠᱟᱨᱰ ᱠᱚ ᱵᱮᱵᱷᱟᱨ ᱠᱟᱛᱮ, ᱩᱱᱠᱩ ᱫᱚ ᱴᱷᱤᱠ ᱪᱟᱥ, ᱵᱟᱹᱲᱛᱤ ᱪᱟᱥ ᱦᱩᱭᱩᱜ ᱞᱮᱠᱟᱱ ᱦᱟᱸᱥᱟ, ᱪᱟᱥ ᱨᱮᱱᱟᱜ ᱱᱟᱯᱟᱭ ᱦᱚᱨ, ᱟᱨ ᱴᱷᱤᱠ ᱨᱟᱥᱟᱭᱱᱤᱠ ᱥᱟᱨ ᱠᱚ ᱵᱮᱵᱷᱟᱨ ᱞᱟᱹᱜᱤᱫ ᱠᱚ ᱞᱟᱹᱭᱟ, ᱟᱨ ᱥᱟᱬᱮᱥ ᱦᱚᱛᱮᱛᱮ ᱪᱟᱥ ᱠᱟᱛᱮ ᱠᱚᱢ ᱠᱷᱚᱨᱪᱟ ᱟᱨ ᱚᱛ ᱦᱟᱥᱟ ᱨᱮᱱᱟᱜ ᱦᱮᱞᱛᱷ ᱵᱷᱟᱹᱜᱤ ᱫᱚᱦᱚᱭ ᱞᱟᱹᱜᱤᱫ ᱠᱚ ᱞᱟᱹᱭᱟ ᱾ ᱠᱮᱢᱯᱮᱱ ᱨᱮᱱᱟᱜ ᱟᱸᱥ ᱞᱟᱹᱠᱛᱤᱭᱟᱱ ᱠᱟᱛᱷᱟ ᱫᱚ ᱱᱚᱣᱟ ᱠᱟᱱᱟ ᱡᱮ ᱱᱚᱣᱟ ᱠᱮᱢᱯᱮᱱ ᱫᱚ ᱵᱟᱨᱭᱟ ᱯᱟᱦᱴᱟ ᱠᱷᱚᱱ ᱜᱟᱞᱢᱟᱨᱟᱣ ᱞᱮᱠᱟ ᱰᱤᱡᱟᱭᱤᱱ ᱟᱠᱟᱱᱟ ᱾ ᱪᱟᱥᱤ ᱠᱚ ᱩᱱᱠᱩᱣᱟᱜ ᱮᱴᱠᱮᱴᱚᱬᱮ ᱠᱚ ᱞᱟᱹᱭᱟ, ᱠᱩᱠᱞᱤ ᱠᱚ ᱠᱩᱞᱤᱭᱟ, ᱟᱨ ᱪᱟᱥ ᱵᱟᱲᱜᱮ ᱨᱮ ᱦᱩᱭᱩᱜ ᱠᱟᱱ ᱮᱴᱠᱮᱴᱚᱬᱮ ᱠᱚ ᱞᱟᱹᱭᱟ ᱡᱮᱞᱮᱠᱟ ᱠᱤᱭᱟᱹ ᱠᱚ ᱵᱟᱹᱲᱛᱤ ᱦᱩᱭᱩᱜ, ᱡᱟᱦᱟᱸ ᱫᱚ ᱦᱟᱹᱡᱩᱜ ᱫᱤᱱ ᱨᱮ ᱪᱮᱫ ᱨᱤᱥᱚᱨᱪ ᱦᱩᱭᱩᱜ ᱚᱱᱟ ᱵᱟᱰᱟᱭᱚᱜᱼᱟ ᱾ ᱱᱚᱣᱟ ᱩᱫᱜᱟᱹᱣ ᱫᱚ ᱗᱓᱑ ᱜᱚᱴᱟᱝ ᱠᱨᱤᱥᱤ ᱵᱤᱜᱭᱟᱱ ᱠᱮᱱᱫᱽᱨᱚ (ᱠᱮᱵᱷᱤᱠᱮ) ᱟᱨ ᱟᱭᱤᱥᱤᱟᱨ ᱥᱟᱬᱮᱥᱤᱭᱟᱹ ᱠᱚᱣᱟᱜ ᱡᱩᱢᱤᱫᱽ ᱫᱟᱲᱮ ᱵᱮᱵᱷᱟᱨᱟ, ᱱᱚᱣᱟ ᱫᱚ ᱥᱟᱹᱠᱷᱭᱟᱹᱛ ᱮᱢᱟ ᱡᱮ ᱥᱟᱬᱮᱥ ᱟᱨ ᱪᱟᱥ ᱵᱟᱥ ᱫᱚ ᱡᱩᱢᱤᱫᱽ ᱠᱟᱛᱮ ᱞᱟᱦᱟᱜᱼᱟ ᱾ ᱑.᱓ ᱠᱚᱨᱚᱲ ᱠᱷᱚᱱ ᱵᱟᱹᱲᱛᱤ ᱪᱟᱥᱤ ᱠᱚ ᱥᱟᱶ ᱥᱚᱡᱷᱮ ᱜᱟᱞᱢᱟᱨᱟᱣ ᱠᱟᱛᱮ, ᱱᱚᱣᱟ ᱱᱟᱣᱟ ᱟᱨ ᱡᱩᱢᱤᱫᱟᱱ ᱠᱮᱢᱯᱮᱱ ᱫᱚ ᱵᱷᱟᱨᱚᱛ ᱨᱮ ᱪᱟᱥ ᱵᱟᱥ ᱨᱮ ᱵᱚᱫᱚᱞ ᱟᱨ ᱵᱟᱰᱟᱭ ᱮᱢ ᱨᱮ ᱱᱟᱣᱟ ᱪᱤᱱᱦᱟᱹᱭ ᱵᱮᱱᱟᱣᱟ ᱾ ᱯᱷᱮᱰᱟᱛ: ᱯᱤᱟᱭᱤᱵᱤ