<div id="MiddleColumn_internal"> <div id="_mcePaste" style="text-align: justify; "><img class="image-left" src="https://static.vikaspedia.in/media_vikaspedia/ml/images/agriculture/d38d41d38d4dd25d3fd30-d15d3ed30d4d200dd37d3fd15-d07d1fd2ad46d1fd32d41d15d33d4d200d/IMG_20181227_234045.jpg" />ഇടനിലക്കാരുടെ ചൂഷണങ്ങള്ക്ക് ഏറ്റവും വിധേയമാകുന്ന ഒരു വിഭാ<span>ഗമായിരുന്നു ഇതുവരെ കര്ഷകര്. ഈ ചൂഷണം ഒഴിവാക്കുന്നതിന് കേരള</span><span>ത്തിലങ്ങോളമിങ്ങോളം ധാരാളം കര്ഷക കൂട്ടായ്മകള് ഉദയംചെയ്തി</span><span>ട്ടുണ്ട്. സര്ക്കാരിന്റെ വിവിധ വകുപ്പുകളുടെയും സന്നദ്ധ സംഘടനകളുടെയും </span><span>ഇടപെടലിന്റെ ഭാഗമായാണ് ഇത്തരം കൂട്ടായ്മകള് രൂപപ്പെട്ടുവന്നി</span><span>ട്ടുള്ളത്. അത്തരത്തിലൊരു സംഘശക്തിയാണ് വയനാട് ജില്ലയിലെ അമ്പ</span><span>ലവയലില് കാണുന്നത്. 1999ല് അമ്പലവയലില് കരടിപ്പാറയില് രൂപീ</span><span>കരിച്ച സ്മോള് ടീ ഗ്രോവേഴ്സ് അസോസിയേഷന് ഇന്ന് ഗ്രീന്ടീയുടെ വലിയ </span><span>ഉത്പാദകരായി മാറിക്കഴിഞ്ഞു. 2007ല് ചാരിറ്റബിള് സൊസൈറ്റി</span></div> <div id="_mcePaste" style="text-align: justify; ">ആക്ട്പ്രകാരം രജിസ്റ്റര് ചെയ്ത് പ്രവര്ത്തനങ്ങള് രൂപീകരിച്ച ഈ സംഘം <span>ഇപ്പോള് നബാര്ഡിന് കീഴിലുള്ള വയനാട് ഗ്രീന്ടീ പ്രൊഡ്യൂസര് കമ്പനി</span><span>യായി വളര്ന്നിരിക്കുകയാണ്. 2017 മുതല് കരടിപ്പാറയില് ഗ്രീന്ടീ</span><span>യുടെ സംസ്ക്കരണ യൂണിറ്റ് പ്രവര്ത്തിച്ചുവരുന്നുണ്ട്. ഓര്ത്തഡോക്സ് </span><span>ചായപ്പൊടിയും ഗ്രീന്ടീയും ഇവിടെ ഉത്പാദിപ്പിച്ച് ബേഗ്രീന് എന്ന </span><span>പേരില് വിപണനം നടത്തിവരുന്നു. ഏതാണ്ട് 5000ത്തോളം ഹെക്ടര് സ്ഥലത്ത് വയ</span><span>നാട്ടില് തേയിലകൃഷിയുണ്ട്. ഇതില് 1000 ഹെക്ടര് ചെറുകിട തേയിലക്കര്ഷ</span><span>കരുടേതാണ്. മൊത്തം 7000ലധികം ചെറുകിട തേയില കര്ഷകരുണ്ട്. വയ</span><span>നാട് ഗ്രീന്ടീ ഉത്പാദക സംഘത്തില് ഇപ്പോള് ഏകദേശം 200ഓളം അംഗ</span><span>ങ്ങളും അരക്കോടിയിലേറെ രൂപയുടെ വിഹിതവുമുണ്ട്. തവിഞ്ഞാല് പഞ്ചാ</span><span>യത്തിലെ കരിമാനിയിലും ചെറുകിട തേയില കര്ഷകരുടെ നേതൃത്വത്തില് </span><span>ഒരു ടീഫാക്ടറി പ്രവര്ത്തിച്ചുവരുന്നുണ്ട്. വാംടീ എന്ന പേരില് ഈ ചായ</span><span>പ്പൊടി ഇപ്പോള് വിപണിയില് ലഭ്യമാണ്.</span><span>തൃശൂര് ജില്ലയിലെ അന്നമനടയിലുള്ള കര്ഷക ഉത്പാദക കമ്പനിയും ഇന്ന് </span><span>മൂല്യവര്ദ്ധിത ഉത്പന്നങ്ങളുടെ കാര്യത്തില് ശ്രദ്ധനേടിക്കഴിഞ്ഞു. 2016 മുത</span><span>ലാണ് അന്നമനട എഫ്.പി.ഒ. പ്രവര്ത്തനമാരംഭിച്ച് വിത്ത് വിതരണം മുതല് </span><span>വിളസംസ്ക്കരണം വരെയുള്ള മേഖലകളില് ഫലപ്രദമായി ഇടപെടുന്നത്.</span><span>ഗുണമേന്മയേറിയ വിളവുകളും മൂല്യവര്ദ്ധിത ഉത്പന്നങ്ങളുടെ നിര്മ്മാ</span><span>ണവും വഴി കൂടുതല് ലാഭവും കമ്പനി കര്ഷകന് ലഭ്യമാക്കുന്നു. ഒട്ടേറെ </span><span>വിറ്റാമിനുകളും പോഷകമൂല്യങ്ങളും അടങ്ങിയിട്ടുള്ള തികച്ചും പ്രകൃതിദ</span><span>ത്തമായ ശീതള പാനീയമായ ജാതിക്ക ജ്യൂസ്, ഉതരരോഗങ്ങള്ക്ക് ശമനം വരു</span><span>ത്തുന്നതും മുഖകാന്തി വര്ദ്ധിപ്പിക്കുന്നതിന് ലേപനമായി ഉപയോഗിക്കുന്ന</span><span>തിനും പാദം വിണ്ടുകീറുന്നതിന് പ്രതിവിധിയായി ഉപയോഗിക്കു</span><span>ന്നതും മസാലക്കറിക്ക് കൂടുതല് ഗന്ധവും രുചിയും നല്കുന്നതുമായ </span><span>ജാതിക്കാപ്പൊടി ഈ കമ്പനിയുടെ മറ്റൊരു ഉത്പന്നമാണ്. കൂടാതെ </span><span>ഡ്രൈഫ്രൂട്ട് വിഭാഗത്തില് വിതരണം ചെയ്യുന്ന ജാതിക്കയും തേനും </span><span>ചേര്ത്തുണ്ടാക്കുന്ന ജാതിക്കാ കാന്ഡി ഇന്ന് രുചിയേറിയ ഒരു വിഭവമായി</span><span>മാറിക്കഴിഞ്ഞു. ദോഷകരമായ മൈതയും പൂരിത കൊഴുപ്പും ഒഴിവാ</span><span>ക്കിയ ജാതിക്കാ കേക്ക് ആസ്വാദകര്ക്ക് പ്രിയമുള്ള മറ്റൊരു വിഭവമാണ്. ചക്ക</span><span>പ്പൊടി, ചക്കമുറുക്ക്, ചക്കപക്കുവട, ഗ്രീന്ടീ, സിനമണ് ഹണി, ജാതിക്കാ തേന് </span><span>തുടങ്ങിയ വിവിധ മൂല്യവര്ദ്ധിത ഉത്പന്നങ്ങളും ഇവര് വിപണിയിലെത്തിക്കു</span><span>ന്നുണ്ട്. ചഡഠഠഞഋ എന്ന ബ്രാന്റ് പേരിലൂടെയാണ് ഇവിടുത്തെ കര്ഷകന്റെ ഉല്പന്ന</span><span>ങ്ങള് ഈ കൂട്ടായ്മയുടെ നേതൃത്വത്തില് ഇപ്പോള് ലോകവിപണിയിലേക്ക് </span><span>എത്തിക്കുന്നത്. ഇതുപോലെ ധാരാളം കര്ഷക കൂട്ടായ്മകള് മാതൃകാപര</span><span>മായി കേരളത്തിലുടനീളം ഇപ്പോള് പ്രവര്ത്തിക്കുന്നുണ്ട്.</span><span>സാങ്കേതിക സഹായവുമായി സര്ക്കാര് വകുപ്പുകളും ഏജന്സികളും </span><span>മികച്ച സാങ്കേതിക വൈദഗ്ധ്യത്തിന്റെയും വിപണന സൗകര്യത്തിന്റെയും അപ</span><span>ര്യാപ്തതയായിരുന്നു കര്ഷകര് ഇതുവരെ നേരിട്ടിരുന്ന പ്രധാന വെല്ലുവി</span><span>ളി. എന്നാല് കഴിഞ്ഞ ഒരു പതിറ്റാണ്ടിനിടെ ഇതിന് പതിയെ മാറ്റംവന്നിരിക്കു</span><span>ന്നു. സര്ക്കാരിന്റെ വിവിധ വകുപ്പുകളുടെയും ഏജന്സികളുടെയും സ്ഥാപനങ്ങ</span><span>ളുടെയും ശക്തമായ ഇടപെടലും നേതൃത്വവും സഹായവും മൂലം സാങ്കേ</span><span>തിക വൈദഗ്ധ്യവും വിപണന സൗകര്യവും ഇന്ന് കര്ഷകര്ക്ക് കൈമുതലായി </span><span>വന്നിരിക്കുകയാണ്. ഇതില് എടുത്തുപറയേണ്ടതാണ് സംസ്ഥാന ഹോര്ട്ടി</span><span>കള്ച്ചര് മിഷന് പോലുള്ള ഏജന്സികള്. കാര്ഷികോത്പന്നങ്ങള് സംസ്ക്കരിക്കുന്ന</span><span>തിനും തരംതിരിക്കുന്നതിനും പാക്കിംഗിനും വിപണനത്തിനും ആവശ്യ</span><span>മായ അടിസ്ഥാന സൗകര്യങ്ങള് മാര്ക്കറ്റുകളില് ഒരുക്കുന്നതിന് പ്രോജക്ട് </span><span>റിപ്പോര്ട്ടിന്റെ അടിസ്ഥാനത്തില് സംസ്ഥാന ഹോര്ട്ടികള്ച്ചര് മിഷനും നാഷണല് </span><span>ഹോര്ട്ടികള്ച്ചര് ബോര്ഡും കര്ഷകര്ക്ക് സഹായങ്ങള് നല്കുന്നുണ്ട്. സംസ്ഥാന </span><span>ഹോര്ട്ടികള്ച്ചര് മിഷന്, പാക്ക് ഹൗസ്, സംയോജിത പാക്ക് ഹൗസ്, പ്രീകൂളിംഗ് </span><span>യൂണിറ്റ്, കോള്ഡ് റൂം, മൊബൈല് പ്രീ കൂളിംഗ് യൂണിറ്റ്, കോള്ഡ് </span><span>സ്റ്റോറേജ്, റീഫര് വാന്, പ്രൈമറി പ്രോസസിംഗ് യൂണിറ്റ്, റൈപ്പനിംഗ് </span><span>ചേംബര്, പ്രിസര്വേഷന് യൂണിറ്റ് എന്നിവയ്ക്ക് സാമ്പത്തികസഹായം നല്കുന്നുണ്ട്.</span><span>വിപണികളുടെ അടിസ്ഥാനസൗകര്യ വികസനത്തിനായി ഗ്രാമീണ വിപണിക്ക് </span><span>25 ലക്ഷം രൂപയും ചില്ലറ വില്പ്പനശാലയ്ക്ക് 15 ലക്ഷം രൂപയും സ്റ്റാറ്റിക് </span><span>മൊബൈല് വെന്ഡിംഗ് യൂണിറ്റുകള്ക്ക് കൂള് ചേംബറുകള്ക്ക് 30000 രൂപവ</span><span>രെയും, സംഭരണം, തരംതിരിക്കല്, പാക്കിംഗ് എന്നിവയ്ക്ക് അടിസ്ഥാന </span><span>സൗകര്യവികസനത്തിനും 15 ലക്ഷം രൂപവരെയും ക്വാളിറ്റി കണ്ട്രോള് അനാ</span><span>ലിസിസ് ലാബിന് 200 ലക്ഷം രൂപവരെയും സഹായം നല്കുന്നു. കൂടാതെ </span><span>ഓരോ വിളകളുടെയും കൃഷി, സംയോജിത രോഗകീടനിയന്ത്രണം,</span><span>സംരക്ഷിത കൃഷി, ജൈവകൃഷി എന്നിവയുടെ ഏറ്റവും സാങ്കേതിക വിദ്യ ഉപയോ</span><span>ഗപ്പെടുത്തി കര്ഷകരെ പങ്കാളികളാക്കി അവരുടെ കൃഷിസ്ഥലത്തെ ഒരു ഹെക്ടര് </span><span>സ്ഥലത്ത് പ്രദര്ശനതോട്ടം സജ്ജമാക്കുന്നതിന് സാമ്പത്തികസഹായവും നല്കു</span><span>ന്നുണ്ട്. നാഷണല് ഹോര്ട്ടികള്ച്ചര് ബോര്ഡ് വാണിജ്യാടിസ്ഥാനത്തില് </span><span>ഹോര്ട്ടികള്ച്ചര് വികസനത്തിന് 2 ഹെക്ടറിന് 30 ലക്ഷം രൂപവരെയും, ഗ്രീന്</span><span>ഹൗസ് നിര്മ്മിക്കുന്നതിന് ചിലവിന്റെ 50 ശതമാനവും, പാക്ക് ഹൗസ് നിര്മ്മി</span><span>ക്കുന്നതിന് 50 ശതമാനവും, പ്രീകൂളിംഗ് യൂണിറ്റിന് 35 ശതമാനവും,</span><span>കോള്ഡ് റൂം, റൈപ്പനിംഗ് ചേംബര്, റഫ്രിജറേറ്റഡ് വാന് എന്നിവയ്ക്ക് 35 </span><span>ശതമാനം വീതവും സഹായധനം കര്ഷകര്ക്ക് നല്കുന്നുണ്ട്.</span></div> <h3 id="_mcePaste" style="text-align: justify; ">സാങ്കേതിക ജ്ഞാനം പകര്ന്ന് കാര്ഷിക സര്വ്വകലാശാലയും ഐ.സി.എ.ആ<span>റും.</span></h3> <div id="_mcePaste" style="text-align: justify; ">കേന്ദ്ര കൃഷിമന്ത്രാലയത്തിന് കീഴിലുള്ള ഐ.സി.എ.ആര്. സംസ്ഥാനത്ത് <span>പ്രവര്ത്തിക്കുന്ന കേരള കാര്ഷിക സര്വ്വകലാശാല എന്നിവയില്നിന്നുള്ള സാങ്കേതിക</span><span>ജ്ഞാനം ഇന്ന് കര്ഷകര്ക്ക് ഏറ്റവും പ്രാപ്യമായിക്കഴിഞ്ഞു. പ്രാദേശിക കൃഷിവി</span><span>ജ്ഞാനകേന്ദ്രങ്ങള് മുഖേനയാണ് കാര്ഷികസര്വ്വകലാശാലയും ഐ.സി.എ.</span><span>ആറും കര്ഷകര്ക്ക് സഹായങ്ങള് നല്കുന്നത്. കൃഷി, മൃഗസംരക്ഷണം, ഉദ്യാന</span><span>വിളകൃഷി, ഗൃഹശാസ്ത്രം, സസ്യസംരക്ഷണം, മത്സ്യം വളര്ത്തല് തുടങ്ങി ബഹു</span><span>വിധമായ മേഖലകളില് ഇവര് സാങ്കേതിക ജ്ഞാനം നല്കുന്നുണ്ട്. ഔഷധസസ്യങ്ങ</span><span>ളുടെ യൂണിറ്റ്, വീട്ടുവളപ്പിലെ മാതൃകാകൃഷി, കൂണ് ഉല്പാദന യൂണിറ്റ്,</span><span>ആന്തൂറിയം ഉല്പാദന യൂണിറ്റ്, സംയോജിത കൃഷി മാതൃകാ പ്രദര്ശനയൂ</span><span>ണിറ്റ്, ആട് പ്രചരണ യൂണിറ്റ്, പശുവളര്ത്തല് യൂണിറ്റ്, കാര്പ്പ് ഹാച്ചറി,</span><span>പ്രദര്ശനശാല, കോഴിക്കുഞ്ഞുങ്ങളുടെ ഉത്പാദന യൂണിറ്റ്, അലങ്കാരമത്സ്യ</span><span>കൃഷി യൂണിറ്റ്, ശുദ്ധജല മത്സ്യകൃഷിയൂണിറ്റ്, ഹോംസയന്സ് യൂണിറ്റ് തുട</span><span>ങ്ങിയവയെല്ലാം കോഴിക്കോട് പെരുവണ്ണാമൂഴിയിലുള്ള കൃഷിവിജ്ഞാ</span><span>നകേന്ദ്രത്തിന് കീഴില് പ്രവര്ത്തിക്കുന്നു. കേരള കാര്ഷിക സര്വ്വകലാശാലയുടെ</span><span>പ്രാദേശിക കാര്ഷിക ഗവേഷണ കേന്ദ്രങ്ങള് വഴിയും കൃഷിവിജ്ഞാന കേന്ദ്രങ്ങള്</span></div> <div id="_mcePaste" style="text-align: justify; ">വഴിയും വിവിധ തരം പരിശീലനങ്ങളും കര്ഷക കൂട്ടായ്മകള്ക്കുള്ള നേതൃത്വ<span>ത്തിനും പ്രധാന പങ്ക് വഹിക്കുന്നു.</span><span>വിത്ത് സംരക്ഷണത്തിന് എന്.ബി.പി.ജി.ആര്.</span><span>കര്ഷകരുടെ കൈവശമുള്ള വിത്തുകള് സൂക്ഷിക്കുന്നതിനും തിരികെ കര്ഷകര്ക്ക് </span><span>നല്കുന്നതിനും കേന്ദ്രഗവണ്മെന്റിന് കീഴിലുള്ള നാഷണല് ബ്യൂറോ ഓഫ് </span><span>പ്ലാന്റ് ജനറ്റിക് റിസോഴ്സസ് എന്ന സ്ഥാപനം സഹായകരമാണ്. നിലവില് കര്ഷ</span><span>കരുടെ കൈവശമുള്ള അപൂര്വ്വയിനങ്ങളില്പെട്ട വിത്തുകള് ഇവര്ക്ക് കൈമാറ്റം</span><span>ചെയ്താല് നൂറ്റാണ്ടുകളോളം ഇവ സൂക്ഷിക്കുകയും ആവശ്യംവരുമ്പോള് അവ </span><span>കര്ഷകര്ക്ക് തിരികെ നല്കുകയും ചെയ്യുന്നു. തെക്കേ ഇന്ത്യന് സംസ്ഥാനങ്ങള്ക്കായി </span><span>പ്രവര്ത്തിക്കുന്ന കേന്ദ്രം തൃശൂര് മണ്ണൂത്തിയിലാണ് സ്ഥിതിചെയ്യുന്നത്. 3000 </span><span>ലധികം നെല്ലിനങ്ങള്, 1400ലധികം വെണ്ട, 700ഓളം ഇനം മുതിര, 130ല</span><span>ധികം വെള്ളരിവര്ഗങ്ങള്, 100ലധികം ഇനം മത്തന്, 165ഇനം ചീര, 260ഇനം </span><span>പയര് എന്നിങ്ങനെ ധാരാളം ഇനം വിത്തുകള് ഇവര് സൂക്ഷിക്കുന്നു. 70 ഇനം എള്ളും, </span><span>65 ഇനം കുമ്പളവും ഇവരുടെ വിത്തുശേഖരണത്തിലുണ്ട്. ശേഖരിക്കുന്ന വിത്തു</span><span>കള് ജലാംശം 5%മാക്കി താഴ്ത്തി ട്രൈപോളിയേറ്റഡ് അലൂമിനിയം പൗച്ചു</span><span>കളിലാക്കി സീല് ചെയ്താണ് ഇവ സൂക്ഷിക്കുന്നത്. പിന്നീട് ജലാംശം നിയ</span><span>ന്ത്രിക്കാനായി ഏഴ് സെന്റീഗ്രേഡ് തണുപ്പില് റഫ്രിജറേറ്ററില് സൂക്ഷിക്കും.</span><span>ഇങ്ങനെ 20 വര്ഷംവരെ വിത്തുകള് സൂക്ഷിക്കാന് കഴിയും. എല്ലാ വിത്തുകളു</span><span>ടെയും ഡ്യൂപ്ലിക്കേറ്റ് സെറ്റുകള് ഡല്ഹിയിലെ ഉസാ ക്യാമ്പസിലുള്ള എന്.ബി.</span><span>പി.ജി.ആര്. ആസ്ഥാനത്ത് സൂക്ഷിക്കുന്നുണ്ട്. 18 ഡിഗ്രി സെന്റീഗ്രേഡ് ഊഷ്മാ</span><span>വിലാണ് ഇവ സൂക്ഷിക്കുന്നത്. ഡല്ഹിയില് ഇങ്ങനെ 1976 മുതല് വിത്തുകള് </span><span>സൂക്ഷിക്കുന്നുണ്ട്. കുറഞ്ഞത് 100 വര്ഷംവരെയും ഇങ്ങനെ വിത്തുകള് സൂക്ഷിക്കാനാ</span><span>കുമെന്ന് ഈ രംഗത്തെ ഗവേഷകനായ ഡോ. കെ.ജോസഫ് ജോണ് പറഞ്ഞു.</span><span>ഓരോ പന്ത്രണ്ട് വര്ഷം കൂടുന്തോറും എല്ലാ വിത്തുകളും ടെസ്റ്റ് ചെയ്ത് നവീക</span></div> <div id="_mcePaste" style="text-align: justify; ">രിക്കും. ലോകത്തിലെ ഏറ്റവും വലിയ നാലാമത്തെ ജീന് ബാങ്കാണ് ഇന്ത്യയുടെ <span>എന്.ബി.പി.ജി.ആര്.</span></div> <div id="_mcePaste" style="text-align: justify; "></div> <div id="_mcePaste" style="text-align: justify; "></div> <div id="_mcePaste" style="text-align: justify; "><strong><i>സി.വി.ഷിബു</i></strong></div> <div></div> </div>