<div id="MiddleColumn_internal"> <h3 style="text-align: justify; "><strong>ആടു വളർത്തൽ</strong></h3> <p style="text-align: justify; "><a class="url state-open contenttype-folder" href="https://static.vikaspedia.in/media_vikaspedia/ml/images/agriculture/d2ed43d17-d38d02d30d15d4dd37d23d02/d35d33d30d4d200dd24d4dd24d41d2ed43d17d19d4dd19d33d41d02-d15d34d3f-d35d33d30d4d200dd24d4dd24d32d41d02/d06d1fd4d/d06d1fd41d15d33d41d1fd46-d35d3ed38d38d4dd25d32d02/"></a>ആടുകളെ വളര്ത്തുന്നത് ഇറച്ചിക്കും പാലിനും വേണ്ടിയാണല്ലോ. സ്ഥലപരിമിതി അനുസരിച്ച് ഇവയെ തുറന്ന സ്ഥലത്ത് അഴിച്ചുവിട്ട് (Extensive Production) രാത്രി കൂടുകളില് പാര്പ്പിക്കാം. കൂടുകളില് മാത്രമായും (Intensive) കൂട്ടിലും പുറത്തുമായും (Semi Intensive)മൂന്നുതരത്തില് വളര്ത്താം.</p> <h3 style="text-align: justify; "><strong>ആട്ടിന്കുട്ടികളുടെ പരിചരണം</strong></h3> <p style="text-align: justify; ">ആടുകളില്നിന്ന് പ്രതീക്ഷിക്കുന്ന ആദായം ലഭിക്കണമെങ്കില് ആട്ടിന്കുട്ടികളുടെ പരിചരണം ശാസ്ത്രീയമാകണം.</p> <p style="text-align: justify; ">(1) കുട്ടി ജനിച്ചാല് അരമണിക്കൂറിനുള്ളില് (Colostrum) കന്നിപ്പാല് കുടിപ്പിക്കണം. 4-5 ദിവസം തുടരണം.</p> <p style="text-align: justify; ">(2) തള്ള ആട് ചാവുകയോ, അസുഖമോ വന്നാല് അതേ കാലയളവില് പ്രസവിച്ച മറ്റ് ആടുകളുടെ പാല് നല്കാം.</p> <p style="text-align: justify; ">(3) ഇതും സാധിച്ചില്ലെങ്കില് കൃത്രിമ കന്നിപ്പാല് (Artificial Colostrum) ഉണ്ടാക്കി നല്കാം. നാലു തവണയായി ഇത് നല്കാം.</p> <p style="text-align: justify; ">4. കന്നിപ്പാല് കൊടുത്തുകഴിഞ്ഞാല് അഞ്ചാം ദിവസംമുതല് സാധാരണ ആട്ടിന്പാല് ആറു കി.ഗ്രാം തൂക്കത്തിന് ഒരുലിറ്റര് പാല് എന്ന തോതില് ദിവസം നാലു തവണ നല്കാം. 30 ദിവസംവരെ ഇതു തുടരണം.</p> <p style="text-align: justify; ">5. പിന്നീട് എട്ട് കി.ഗ്രാം ഭാരത്തിന് ഒരുലിറ്റര് എന്ന തോതില് 30 ദിവസംവരെ നല്കണം.</p> <p style="text-align: justify; ">6. മൂന്നുമാസമാകുമ്പോഴേക്കും 10-15 കി.ഗ്രാം ഭാരത്തിന് ഒരുലിറ്റര് എന്ന അളവില് ചുരുക്കാം.</p> <p style="text-align: justify; ">7. രണ്ട് ആഴ്ചമുതല് എളുപ്പത്തില് ദഹിക്കുന്ന "കിഡ് സ്റ്റാര്ട്ടര്' (Kid Starter) തീറ്റ കുറേശ്ശെ നല്കാം. പച്ചപ്പുല്ലും ആവശ്യത്തിന് കൊടുക്കാം.</p> <p style="text-align: justify; ">8. മൂന്നുമാസമാകുമ്പോഴേക്കും പാല് മുഴുവനായും നിര്ത്താം.</p> <p style="text-align: justify; ">9. പ്രസവിച്ചുകഴിഞ്ഞാല് കുട്ടിയെ നന്നായി തുടച്ചുവൃത്തിയാക്കണം. പൊക്കിള്ക്കൊടിയില് പോവിഡന് അയഡിന് വിഭാഗത്തില്പ്പെട്ട മരുന്നു പുരട്ടണം.</p> <p style="text-align: justify; ">10. ആട്ടിന്കുട്ടികളെ ഒരുകാരണവശാലും മഴ നയ്ക്കരുത്. കൂടാതെ തണുപ്പ് അധികം ഏല്ക്കാതെയും നോക്കണം. കാരണം ആടുകള്ക്ക് ന്യുമോണിയ വരാന് സാധ്യത കൂടുതലാണ്.</p> <p style="text-align: justify; ">11. തറയില്നിന്ന് അല്പ്പം പൊക്കി (1-2 അടി) പ്ലാറ്റ്ഫോമില് വേണം രാത്രിയില് താമസിപ്പിക്കാന്.</p> <p style="text-align: justify; ">12. പ്രസവിച്ച് മൂന്നാമത്തെ ആഴ്ച വിരമരുന്ന് നല്കണം. എല്ലാ മാസവും ഇത് തുടരണം. ചുരുങ്ങിയത് ആറുമാസംവരെ.</p> <p style="text-align: justify; ">13. ആട്ടിന് കാഷ്ഠം ഇടയ്ക്ക് മൃഗാശുപത്രിയില് കൊണ്ടുപോയി ഏതുതരത്തിലുള്ള വിരയാണെന്നറിയാന് പരിശോധിക്കണം.</p> <p style="text-align: justify; ">14. ജീവകങ്ങളും ധാതുലവണങ്ങളും അടങ്ങിയ മരുന്നു നല്കണം.</p> <h3 style="text-align: justify; "><span><strong>മാതൃക കിഡ്സ്റ്റാര്ട്ടര്</strong></span></h3> <p style="text-align: justify; ">കടലപ്പിണ്ണാക്ക് (കേക്ക്രൂപത്തില് എണ്ണയില്ലാത്തത്)- 12 ഭാഗംമുതിര- 30 ഭാഗംഗോതമ്പ്/ചോളം- 30 ഭാഗംഅരിത്തവിട്/ഗോതമ്പ് തവിട്- 15 ഭാഗംഉണക്കിയ ഉപ്പില്ലാത്ത മത്സ്യം- 10 ഭാഗംധാതുലവണം- 1.5 ഭാഗംഉപ്പ്- 1.5 ഭാഗം വിറ്റമിന് AB2D 25 ഗ്രാം/100 കി.ഗ്രാം മിക്സ്ചറില്</p> <p style="text-align: justify; "><strong><i>കടപ്പാട്:</i></strong> ഡോ. എം ഗംഗാധരന് നായര്</p> </div>