<div id="MiddleColumn_internal"> <h3 style="text-align: justify; ">हवामान</h3> <p style="text-align: justify; "><span style="text-align: start; float: none; ">शेवग्याची लागवड सर्व हवामानात करता येते. सर्वसाधारणपणे २५ ते ३० डिग्री सें. तापमानात वाढ चांगली होते. तसेच तापमान ४० डिग्री सें. पेक्षा जास्त असल्यास फुलगळ होते.</span></p> <h3 style="text-align: justify; "><span style="text-align: start; float: none; ">लागवडीसाठी जमीन </span></h3> <p style="text-align: justify; "><span style="text-align: start; float: none; ">शेवग्याची लागवड हलक्या, माळरान जमिनीत तसेच डोंगरउताराच्या जमिनीत करता येते. चोपण जमिनीत शेवग्याची लागवड करू नये. जमिनीचा सामू ६-७.५ असावा.</span></p> <h3 style="text-align: justify; "><span style="text-align: start; float: none; ">वाण / जाती </span></h3> <p style="text-align: justify; "><span style="text-align: start; float: none; ">शेवग्यासाठी कोकण रुचिरा, पी.के.एम-१, पी.के.एम.-२, जाफना, चेम मुरंगा या वाणांचा वापर करावा.</span></p> <h3 style="text-align: justify; ">लागवड</h3> <ul style="text-align: justify; "> <li><span style="text-align: start; float: none; "> शेवग्याची अभिवृध्दी फाटे कलम अथवा बियापासून रोपे तयार करून केली जाते.</span></li> <li><span style="text-align: start; float: none; "> <span style="text-align: start; float: none; "> फाटे कलम न मिळाल्यास पाँलीथीनच्या पिशवीत बियांपासून रोपे तयार करून लागवड करावी. एक ते दोन महिन्यांची रोपे लागवडीकरीता वापरावीत. हेक्टरी लागवडीकरीता ५०० ग्रँम बियाणे लागते. बीयाणासाठी नजीकच्या कृषी सेवा केंद्रामध्ये चौकशी करावी.</span></span></li> <li><span style="text-align: start; float: none; "> <span style="text-align: start; float: none; "> लागवड करण्यापुर्वी पावसाळ्यापुर्वी ६० X ६० X ६० आकाराचे ख़ड्डे घ्यावेत. हे खड्डे चांगली माती एक घमेले कुजलेले शेणखत, २५० ग्रँम सुफला (१५.१५.१५) आणि ५० ग्रँम फॉलीडॉल पावडर टाकून भरावेत.</span></span></li> <li><span style="text-align: start; float: none; "> <span style="text-align: start; float: none; "> बहुवर्षीय वाणासाठी ४ X ४ मिटरवर लागवड करावी व एकवर्षीय वाणासाठी २.५ X २.५ मिटरवर लागवड करावी.</span></span></li> </ul> <h3 style="text-align: justify; "><span style="text-align: start; float: none; ">व्यवस्थापन <br /></span></h3> <ul style="text-align: justify; "> <li><span style="text-align: start; float: none; ">शेवग्याच्या झाडास दरवर्षी १० किलो शेणखत, १७० ग्रँम युरीया, ४७० ग्रँम सुपर फॉस्फेट व १२५ ग्रँम म्युरेट आँफ पोटँश ही खते द्यावीत (माती परीक्षणानुसार खते द्यावीत).</span></li> <li><span style="text-align: start; float: none; "> <span style="text-align: start; float: none; "> शेवग्याच्या झाडाची लागवडीनंतर ३ ते ४ महिन्यानंतर पहिली व ७ ते ८ महिन्यांनी दुसरी छाटणी करावी. पहिल्या छाटणीच्या वेळी झाडाचे मुख्य खोड जमिनीपासून एक मिटर अंतरावर छाटावे आणि दुस-या छाटणीच्यावेळी फांद्या छाटाव्यात.</span></span></li> <li><span style="text-align: start; float: none; ">शेवग्याच्या लागवडीनंतर ८ ते १० महिन्यांनी शेवग्याच्या शेंगा काढणीस तयार होतात. शेवग्याच्या प्रत्येक झाडापासून सुमारे ३० ते ३५ किलो हिरव्या शेंगा मिळतात.</span></li> </ul> <p style="text-align: justify; "> </p> <p style="text-align: justify; ">संदर्भ : aAqua</p> </div>