<div id="MiddleColumn_internal"> <p style="text-align: justify; ">राजगुरुनगर (जि. पुणे) येथील कांदा व लसूण संशोधन संचालनालयाने दिलेली माहिती: लसूण लागवड ऑक्टोबर-नोव्हेंबर महिन्यांत करतात. लागवडीसाठी मध्यम ते भारी, पाण्याचा चांगला निचरा होणारी जमीन हवी असते.</p> <p style="text-align: justify; ">लागवडीपूर्वी शेतास आडवी -उभी नांगरणी करून, ढेकळे फोडून घ्यावीत. त्यानंतर वखरणी करून, चांगले कुजलेले शेणखत हेक्टरी 20 ते 25 टन टाकावे. सपाट वाफ्यामध्ये 15 ु 10 सें.मी. अंतरावर चांगल्या मोठ्या आकाराच्या पाकळ्या लावून लागवड करावी. अशाप्रकारे हेक्टरी सहा क्विंटल पाकळ्या लागतात.</p> <p style="text-align: justify; ">लागवडीसाठी गोदावरी, यमुना सफेद, श्वेता, ऍग्री फाउंड व्हाइट, फुले बसवंत या सुधारित जातींचा वापर करावा. माती परीक्षणानुसार हेक्टरी 100 किलो नत्र, 50 किलो स्फुरद व 50 किलो पालाश द्यावे. यापैकी अर्धे नत्र, पूर्ण स्फुरद व पूर्ण पालाश लागवडीच्या वेळी व राहिलेले अर्धे नत्र लागवडीनंतर 30 दिवसांनी द्यावे.</p> <p style="text-align: justify; ">दर आठ ते बारा दिवसांनी पाण्याच्या पाळ्या द्याव्यात. जमिनीच्या मगदुराप्रमाणे किंवा पिकाच्या आवश्यकतेनुसार पाण्याचा कालावधी कमी-जास्त करावा. अधिक मार्गदर्शनासाठी पुढील क्रमांकावर संपर्क साधावा.<br />- 02135 - 222026<br />कांदा व लसूण संशोधन संचालनालय, राजगुरुनगर, जि. पुणे</p> <p style="text-align: justify; "> </p> <p style="text-align: justify; "><b>स्त्रोत: <a class="external-link ext-link-icon" href="http://www.agrowon.com/Agrowon/20110328/4727743379841633510.htm" target="_blank" title="नवीन विंडोमध्ये ओपन होणारी बाह्य साईट ">अग्रोवन</a></b></p> <p style="text-align: justify; "><img alt="" title="" class="image-inline" src="https://static.vikaspedia.in/media/images_mr/agriculture/SakalAgrowonLogo.jpg" /></p> </div>