<div id="MiddleColumn_internal"> <h3 style="text-align: justify;">கறிக்கோழி</h3> <p style="text-align: justify;">கோழிக்கறி வகைகளில் அதிகம் விரும்பப்படுவது கறிக்கோழி (ப்ராய்லர்) வகையாகும். பல தனியார் நிறுவனங்கள் விவசாயிகளுடன் இணைந்து ஒப்பந்த முறையில் கறிக்கோழி உற்பத்தியில் ஈடுபட்டுள்ளனர். விற்பனையில் எந்தவித சிரமமும் இல்லை. மிருதுவான, மென்மையான சதையை உடைய 1.5-2.0 கிலோ எடையுள்ள 8 வார வயதிற்கு கீழ் உள்ள கோழிகளை ப்ராய்லர் என்கிறோம்.</p> <h3 style="text-align: justify;">சிறந்த பராமரிப்பு முறைகள்</h3> <p style="text-align: justify;"><strong>கோழிக் கொட்டகையின் வெப்பநிலை:</strong> முதல் வாரத்தில் 95<sup>0</sup> சி இருக்க வேண்டும். பின்பு ஒவ்வொரு வாரமும் 5<sup>0</sup> சி வெப்பத்தை குறைக்க வேண்டும். 6-ஆவது வாரம் 70<sup>0</sup> சி வெப்பம் வரும் வரை குறைக்க வேண்டும்.</p> <p style="text-align: justify;"><strong>காற்றோட்ட வசதி:</strong> கோழிக் கழிவிலிருந்து வெளிப்படும் அமோனியாவை நீக்கி மூச்சுத்திணறல் வராமல் தடுக்க நல்ல காற்றோட்டத்தைப் பராமரிக்க வேண்டும்.</p> <p style="text-align: justify;"><strong>மின்விளக்கின் மூலம் வெப்பம் அளித்தல்:</strong> 200 சதுர அடி தரையளவிற்கு 60 வாட் விளக்குகள் போட வேண்டும்.</p> <p style="text-align: justify;"><strong>தரை இடஅளவு:</strong> ஒரு கோழிக்கு 1 சதுர அடி</p> <p style="text-align: justify;"><strong>மூக்கு வெட்டுதல்: </strong>1 நாள் வயதுடைய குஞ்சுகளுக்கு மூக்கை வெட்ட வேண்டும்.</p> <p style="text-align: justify;"><strong>கறிக்கோழி (ப்ராய்லர்) சுகாதார பராமரிப்பு</strong></p> <ul style="text-align: justify;"> <li>நோயற்ற குஞ்சுகளைக் கொண்டு தொடங்க வேண்டும்</li> <li>மேரக் நோயைத் தடுக்க குஞ்சு பொறிப்பகத்திலேயே தடுப்பூசி போட வேண்டும்.</li> <li>4-5 நாட்களில் ஆர்.டி.வி.எப். 1 போட வேண்டும்.</li> <li>கழிச்சல் (காக்கிடியாசிஸ்) நோயினைத் தடுக்க தீவனத்துடன் மருந்துகளைக் கலந்து கொடுக்க வேண்டும்.</li> <li>பூஞ்சாண நச்சுகளிலிருந்து தீவனத்தைப் பாதுகாக்க வேண்டும்.</li> <li>தரையில் 3 இஞ்ச் ஆழத்திற்கு நிலக்கடலை கழிவு அல்லது நெல் உமி கொண்டு நிரப்ப வேண்டும்.</li> </ul> <h3 style="text-align: justify;">விற்பனை செய்தல்</h3> <ul style="text-align: justify;"> <li>6-8 வாரங்கள் வயதுடைய கோழிகளை விற்பனை செய்ய வேண்டும்.</li> <li>கோழிகளைப் பிடிக்கும் போது, காயங்கள் ஏற்படாமல் இருக்க, தீவனத் தட்டுகளையும், தண்ணீர் தட்டுகளையும் அகற்ற வேண்டும்.</li> <li>திடீர் வானிலை மாற்றங்களிலிருந்து கோழிகளைக் காக்க வேண்டும்.</li> </ul> <p style="text-align: justify;">சுகுணா (கோயமுத்தூர்), வெங்கடேஸ்வரா (பூனா), பயனியர், ப்ரோமார்க் போன்ற தனியார் நிறுவனங்கள், ஒப்பந்த முறையில் விவசாயிகளுடன் இணைந்து கறிக்கோழி உற்பத்தி செய்கின்றன. மேலும்,</p> <ul style="text-align: justify;"> <li>சிறந்த இனங்கள் கிடைக்குமிடம்</li> <li>கோழிக் கொட்டகை அமைத்தல்</li> <li>தீவனம் அளித்தல்</li> <li>நல்ல வளமான கோழிகளை உருவாக்குதல்</li> </ul> <p style="text-align: justify;">கறிக்கோழி வளர்ப்பு ஏதேனும் சந்தேகம் ஏற்பட்டால் அருகில் உள்ள கால்நடை பராமரிப்பகத்தையோ அல்லது வேளாண் அலுவலகத்தையோ அணுகவும்.</p> </div>