<div id="Middlecolumn_internal"> <p style="text-align: justify;">பயறு வகைகளை சாகுபடி செய்து வரும் விவசாயிகளுக்கு பயனளிக்கும் புதிய கண்டு பிடிப்பு ஒன்றை கோவை வேளாண் பல்கலைக்கழகம் செய்துள்ளது.</p> <p style="text-align: center;"><img class="image-inline" src="https://static.vikaspedia.in/media_vikaspedia/ta/images/agriculture/ba4bb4bbfbb2bcdba8bc1b9fbcdbaab99bcdb95bb3bcd/b9abbeb95bc1baab9fbbf-ba4bb4bbfbb2bcdba8bc1b9fbcdbaab99bcdb95bb3bcd/bb5bbfbb5b9abbebafbbfb95bb3bc1b95bcdb95bbeba9-b89ba4bb5bbfb95bcdb95bc1bb1bbfbaabcdbaabc1b95bb3bcd/bb5bbfbb5b9abbebafbbfb95bb3bbfba9bcd-b95ba3bcdb9fbc1baabcdbaabbfb9fbbfbaabcdbaabc1b95bb3bcd/pulsewonder.jpg" /></p> <p style="text-align: justify;">தமிழகத்தை பொறுத்தவரை துவரை, பாசி பயறு, மொச்சை போன்ற பயறு வகைகள் கூடுதல் சாகுபடியாகவோ, அல்லது ஊடு பயிராகவோ பயிரிடப்படுகிறது.</p> <p style="text-align: justify;">பல இடங்களில் மானாவாரி நிலங்களில் பயிரிடப்படுகின்றன. இதனால் உரிய சத்துக்கள் இன்றி பயறு வகைகளின் மகசூல் குறைவது வழக்கமான ஒன்றாக இருந்து வருகிறது.</p> <p style="text-align: justify;">எனவே பயறு சாகுபடி செய்யும் விவசாயிகளுக்கு உரிய லாபம் கிடைக்காத நிலையும் இருந்து வருகிறது.</p> <p style="text-align: justify;">இந்த நிலையில் பயறுகளுக்கு பேரூட்டூச்சத்துக்களையும், நுண்ணூட்ட சத்துக்களையும் வழங்கவல்ல பல்ஸ் ஒண்டர் அல்லது பயறு ஒண்டர் என்ற கலவையை கோவை வேளாண் பல்கலைக்கழகத்தின் பயிர் வினையியல் துறை கண்டுபிடித்துள்ளது.</p> <p style="text-align: justify;">ஏக்கருக்கு 2 கிலோ வீதம், 200 லிட்டர் தண்ணீரில் கலந்து பயறு செடிகளின் மீது தெளிக்கலாம். பயறுகள் பூக்கும் பருவத்தில் பயறு ஒண்டரை தெளிக்கும் போது கூடுதல் பலன் அளிக்கும்.</p> <p style="text-align: justify;">பயறு ஒண்டர்கள் மூலம் பயறு வகைளின் விளைச்சல் 20 சதவிகிதம் வரை அதிகரிக்க வாய்ப்பு இருக்கிறது.</p> <p style="text-align: justify;">பயறு வகைகளுக்கு, சத்துக்களை அளிக்கும் டானிக்காக மட்டும் அல்லாமல், வறட்சி, பூச்சி தாக்குதல் போன்றவற்றை தாங்கி நிற்கும் திறனையும் பயறு ஒண்டர்கள் அளிக்கிறது.</p> <p style="text-align: justify;">ஆதாரம்: <a class="ext-link-icon" title="புதிய சாளரத்தில் திறக்கும் ஒரு வெளி இணையதளம்" href="https://agritech.tnau.ac.in/" target="_blank" rel="noopener">தமிழ்நாடு வேளாண்மை பல்கலைக்கழகம்</a></p> </div>