<div id="MiddleColumn_internal"> <p style="text-align: justify;">கறவை மாடுகள், பன்றிகள், வெள்ளாடுகள், செம்மறியாடுகள் போன்ற ஒவ்வொரு கால்நடை இனத்திற்கும் தனித்தனியான வடிவமைப்புடன் கூடிய கட்டிடங்கள் தேவைப்படும். எனவே கட்டிட வடிவமைப்பு கால்நடைகளின் தேவைக்கேற்ப வடிவமைக்கப்பட வேண்டும்.</p> <p style="text-align: justify;">ஒவ்வொரு கால்நடைகளுக்கும் வெவ்வேறு விதமான உற்பத்தி மற்றும் மேலாண்மை முறைகளும் தேவைப்படும். எனவே கால்நடைப் பண்ணையை வடிவமைப்பதற்கு முன்பு கீழ்க்கண்ட காரணிகளை நினைவில் கொள்ள வேண்டும்.</p> <h3 style="text-align: justify;">பண்ணை வடிவமைப்பு</h3> <ul> <li style="text-align: justify;">பண்ணையில் நன்றாக வேலை செய்வதற்கேற்றவாறு அது ஒரு சிறிய மாதிரி வடிவமைக்கப்பட வேண்டும்.</li> <li style="text-align: justify;">இவ்வாறு சிறிய மாதிரியை வடிவமைப்பதால், பல்வேறு விதமான கால்நடைகளுக்குத் தேவைப்படும் இடவசதி,தீவனத்தொட்டிகளின் அளவு போன்ற பல்வேறு விவரங்களை அறிந்து கொள்ளலாம்.</li> </ul> <h3 style="text-align: justify;">கட்டிடங்களின் வடிவமைப்பு</h3> <ul> <li style="text-align: justify;">எல்லாவிதமான கால்நடைகளுக்கும் பொருந்தும் வகையில் பண்ணையில் கட்டிடங்களை வடிவமைக்க வேண்டும்.</li> <li style="text-align: justify;">கட்டிடங்களின் வெளிப்புற அமைப்பு ஒரே மாதிரியாக இருப்பது போன்று அமைக்கபட வேண்டும்.</li> </ul> <h3 style="text-align: justify;">கூரைகளின் வடிவம்</h3> <ul> <ul> <li style="text-align: justify;">அந்தந்த ஊரில் உள்ள தட்ப வெப்ப நிலைகளுக்கேற்ப பண்ணை கட்டிடங்களின் கூரை அமைப்பு இருக்கவேண்டும். கேபிள் கூரை வடிவமைப்பில் கூரையில் காற்றோட்டம் இருக்கும் வகையில் அமைக்கப்படும் கூரை அமைப்பு வெப்பம் அதிகமுள்ள பகுதிகளுக்கு ஏற்றது.</li> <li style="text-align: justify;">குறைந்த அகலமுடைய கட்டிடங்களுக்கு மானிட்டர் கூரை ஏற்றதாகும்.</li> <li style="text-align: justify;">கட்டிடங்களின் வரையறுக்கப்பட்ட அகலம்</li> <li style="text-align: justify;">ஒரு வரிசை மாட்டுக்கொட்டகையின் வரையறுக்கப்பட்ட நீளம் 3.85 முதல் 4.25 மீட்டர்களும், இரண்டு வரிசை மாட்டுக்கொட்டகையின் நீளம் 7.90 முதல் 8.70 மீட்டர்கள் வரை இருக்க வேண்டும்</li> <li style="text-align: justify;">பண்ணைக்கொட்டகையின் வரையறுக்கப்பட்ட உயரம்</li> <li style="text-align: justify;">பண்ணையில் கூரை அமைக்கப் பயன்படும் பொருட்களுக்கேற்பவும், தட்ப வெப்ப சூழ்நிலைகளுக்கேற்பவும் கொட்டகையின் உயரம் வேறுபடும்</li> <li style="text-align: justify;">கட்டிடங்களின் நீளம்</li> <li style="text-align: justify;">பண்ணைக் கட்டிடங்களின் நீளம் எப்படி வேண்டுமானாலும் அமையலாம். பண்ணையில் பராமரிக்கப்பட வேண்டிய கால்நடைகளின் எண்ணிக்கையினைப் பொருத்து கட்டிடத்தின் நீளம் வேறுபடும்</li> <li style="text-align: justify;">பண்ணையிலுள்ள மொத்த கால்நடைகளின் எண்ணிக்கையினைப் பொருத்து பண்ணைக் கொட்டகையின் நீளம் கணக்கிடப்படுகிறது</li> <li style="text-align: justify;">உதாரணமாக, பண்ணையில் 15-20 கறவை மாடுகள் ஒற்றை வரிசையிலும், 20-50 மாடுகள் இரட்டை வரிசையில் கட்டி பராமரிக்கப்பட வேண்டுமென்றாலும், 50 மாடுகளுக்கு மேல் பராமரிக்கப்பட வேண்டுமென்றால் தனியாக கொட்டகை அமைக்கப்படவேண்டும்</li> </ul> </ul> <iframe title="YouTube video player" src="https://www.youtube.com/embed/viI4vUJjKeg" width="560" height="315" frameborder="0" allowfullscreen="allowfullscreen"></iframe> <p style="text-align: justify;">ஆதாரம்: தமிழ்நாடு கால்நடை கல்லூரி மற்றும் ஆராய்ச்சி மையம்</p> </div>