<div id="MiddleColumn_internal"> <h3 style="text-align: justify;">அறிமுகம்</h3> <p style="text-align: justify;">நீடித்த வேளாண்மைக்கான தேசியத்திட்டம் NMSA என்ற மிகப்பெரிய திட்டத்தின் உள்ளே அடங்கி இருக்கும் விரிவான ஒரு பகுதியே பாரம்பரிய விவசாய மேம்பாட்டுத் திட்டம் (Paramparagat Krishi Vikas Yojna – PKVY என்பதாகும். மண்ணில் ஆரோக்கியத்தைப் பேணுவது பற்றியது இது. இந்தத் திட்டத்தின் கீழ் இயற்கை வேளாண்மை ஊக்குவிக்கப்படுகிறது. இயற்கை வேளாண்மையில் ஈடுபடக்கூடிய கிராமங்களைத் தத்தெடுத்து அவற்றை ஒரு தொகுப்பாக அணுகியும், விவசாயி அரசு இ-சேவை அல்லாத மூன்றாவது ஒரு அமைப்பிடமிருந்து சான்றினைப் பெற்றும் இயற்கை வேளாண்மை வளர்ச்சிக்கு ஊக்கம் தரப்படுகிறது.</p> <h3 style="text-align: justify;">எதிர்பார்க்கப்படும் பயன்கள்</h3> <ul> <li style="text-align: justify;">இந்தத்திட்டம் வணிகத்திற்கான வேளாண் பொருள்களின் உற்பத்தியை சான்றளிக்கப்படும் இயற்கை வேளாண்மை மூலம் செய்வது.</li> <li style="text-align: justify;">இத்தகைய வேளாண்விளைபொருள்கள் பூச்சிக்கொல்லி மருந்துப்படிவுகள் இல்லாதவையாக, நுகர்வோரின் உடல்நலத்தை மேம்படுத்தக்கூடியதாக இருக்கும்.</li> <li style="text-align: justify;">விவசாயிகளின் வருமானத்தை அதிகரித்து வணிகர்களுக்கு சாத்தியப்பாடுள்ள சந்தையை இது உருவாக்கும்.</li> <li style="text-align: justify;">இயற்கை வளங்களைத் திரட்டி இடுபொருள்களை உருவாக்க விவசாயிகளை ஊக்குவிக்கும்.</li> </ul> <h3 style="text-align: justify;">திட்டச் செயலாக்கம்</h3> <ul> <li style="text-align: justify;">பாரம்பரிய விவசாய மேம்பாட்டுத்திட்டத்தின் கீழ் விவசாயிகளின் குழுக்கள் அமைக்கப்பட்டு இயற்கை வேளாண்மை செய்வதற்கு அவர்களுக்கு ஊக்கம் தரப்படும்.</li> <li style="text-align: justify;">50 அல்லது அதற்கும் மேற்பட்ட விவசாயிகள் ஒரு குழுவாகச் சேர்ந்து 50 ஏக்கர் அளவுள்ள நிலத்தில் இந்தத் திட்டத்தின் கீழ் இயற்கை வேளாண்மையை மேற்கொள்வார்கள். இந்த முறையில் 3 ஆண்டுகளில் 10 ஆயிரம் குழுக்கள் 5 லட்சம் ஹெக்டேர் நிலத்தில் இயற்கை வேளாண்மையில் ஈடுபடுவார்கள்.</li> <li style="text-align: justify;">சான்று பெறுவதற்கான செலவில் விவசாயிகளுக்கு எந்தவிதமான சுமையும் இருக்காது.</li> <li style="text-align: justify;">விதைச்செலவு முதற்கொண்டு அறுவடை வரையிலும் அதன் பிறகு சந்தைக்கு விளைபொருள்களை எடுத்துச் செல்வதற்குமாக ஒவ்வொரு விவசாயிக்கும் ஒரு ஏக்கருக்கு 20 ஆயிரம் ரூபாய் வீதம் மூன்று ஆண்டுகளில் பணம் தரப்படும்.</li> <li style="text-align: justify;">பாரம்பரிய வளங்களைக் கொண்டு இயற்கை வேளாண்மையின் வளர்ச்சிக்கு ஊக்கமளிக்கப்படுவதோடு, விளைபொருள் சந்தையுடன் தொடர்பு படுத்தப்படும்.</li> <li style="text-align: justify;">விவசாயிகளை உள்ளடக்கி இயற்கை வேளாண் விளைபொருள்களின் உற்பத்தியையும் தரச்சான்று பெறுவதையும் இது அதிகரிக்கும்.</li> </ul> <h3 style="text-align: justify;">உதவிகள் தொடர்பான உள்ளடக்கமும் மாதிரியும்</h3> <p style="text-align: justify;"><strong>குழு அணுகுமுறை மூலம் சான்றிதழ் பெறுவது</strong></p> <ul> <li style="text-align: justify;">விவசாயிகள் உள்ளுர் மக்களைத்திரட்டி குழுவை உருவாக்கி சான்று பெறத்தக்க வேளாண்மையை 50 ஏக்கரில் செய்யவைப்பது.</li> <li style="text-align: justify;">இலக்குப்பகுதிகளில் இயற்கை வேளாண்மைக் குழுக்களை அமைப்பதற்கு விவசாயிகளுடன் கூட்டங்கள், கலந்துரையாடல்களை நடத்திடுவது. ஒரு விவசாயிக்கு ரூ.200 வீதம் நிதி</li> <li style="text-align: justify;">குழு உறுப்பினர்களை இயற்கை வேளாண்மை நடைபெறும் இடங்களுக்கு அழைத்துச் செல்வது. ஒரு விவசாயிக்கு ரூ.200.</li> <li style="text-align: justify;">விவசாயக்குழுவை அமைப்பது, விவசாயிகளை உறுதி ஏற்கச் செய்வது, தலைமை ஏற்று நடத்தக்தக்க ஆற்றல் பெற்றுள்ளவரை குழுவிற்குள்ளிருந்தே கண்டறிவது</li> <li style="text-align: justify;">குழு உறுப்பினர்களுக்கு இயற்கை வேளாண்மையில் பயிற்சி அளிப்பது (3 பயிற்சிகள் - ஒவ்வொரு பயிற்சிக்கும் ரூ.20 ஆயிரம்)</li> </ul> <h3 style="text-align: justify;">சான்றளிப்பும் தரக்கட்டுப்பாடும்</h3> <ul> <li style="text-align: justify;">பங்கேற்புடன் கூடிய உத்திரவாத வழிமுறையின்படி சான்று பெறுவது பற்றிய பயிற்சி இரண்டு நாள்களுக்கு நடத்த குழுத்தலைவருக்கு ரூ.200.</li> <li style="text-align: justify;">குழுவின் தலைவர் 20 நபர்களுக்கு பயிற்சி தருவார் ஒரு நாளைக்கு ஒரு குழுவிற்கு ரூ.250 வீதம் மூன்று நாள்களுக்கு.</li> <li style="text-align: justify;">இணையத்தின் வழியாக விவசாயிகளை பதிவுசெய்து கொள்வது. ஒரு உறுப்பினருக்கு ரூ.100 வீதம் குழுவின் 50 உறுப்பினர்களுக்கும்.</li> <li style="text-align: justify;">மண் மாதிரி சேமிப்பும் பரிசோதனையும் (ஒரு ஆண்டிற்கு ஒரு குழுவிற்கு 21 மண் மாதிரிகள்) ஒரு மாதிரிக்கு ரூ.190 வீதம் 3 ஆண்டுகளுக்கு</li> <li style="text-align: justify;">இயற்கை வேளாண்மை முறைக்கு மாறி வரும் வழிமுறையை ஆவணப்படுத்துவது. சான்றளிப்பு பெறுவதற்காக பயன்படுத்த வேண்டிய இடுபொருள்கள், பின்பற்றப்படவேண்டிய பயிர் சுழற்சிகள், இயற்கை வரங்கள் முதலானவை ஒரு உறுப்பினருக்கு ரூ.100 வீதம் 50 உறுப்பினர்களுக்கு</li> <li style="text-align: justify;">குழு உறுப்பினர்களின் நிலங்களைப் பார்வையிடுதல் ஒரு முறைக்கு ரூ.400 வீதம் 3 மேற்பார்வையாளர்களுக்கு (ஒரு ஆண்டிற்கு ஒரு குழுவிற்கு 3 மேற்பார்வையாளர்கள்)</li> <li style="text-align: justify;">மாதிரிகளை சேகரித்து படிவுகள் இருக்கின்றனவா என ஆராய்தல். பரிசோதனை முடிவுகளுக்கு ஒப்புதல் அளித்தல்.</li> <li style="text-align: justify;">தேசிய குழுமம் ஆய்வை மேற்கொள்ளும். ஒரு மாதிரிக்கு ரூ.10 ஆயிரம் வீதம் சான்றளிப்புக் கட்டணம் (ஒரு குழுவிற்கு ஒரு ஆண்டிற்கு எட்டு மாதிரிகள்).</li> </ul> <h3 style="text-align: justify;">சான்றளிப்புக்காகும் நிர்வாகச் செலவுகள்</h3> <ul> <li style="text-align: justify;">இயற்கை வேளாண்மை செய்யும் கிராமத்தைத் தத்தெடுப்பது. உர மேலாண்மைக்காகவும், உயிரிநைட்ரஜனைப் பெறுவதற்காகவும் தத்தெடுப்பு நடத்தப்படும். இது குழு அணுகுமுறையின்படி நடைபெறும்.</li> <li style="text-align: justify;">இயற்கை வேளாண்மைக்காக செயல்திட்டம் - ஒரு குழுவிற்கு: வேளாண்மைக்கு உரியவகையில் நிலத்தில் மாற்றங்கள் செய்வது. ரூ.1000 வீதம் 50 ஏக்கருக்கு</li> <li style="text-align: justify;">பயிரிடும்முறைகளை அறிமுகம் செய்வித்ததில் இயற்கை வேளாண்மைக்கான விதைகளைப் பெறுதல், நாற்றங்கால் ஏற்பாடு. ஒரு ஏக்கருக்கு ஒரு ஆண்டிற்கு ரூ.500 வீதம் 50 ஏக்கருக்கு.</li> <li style="text-align: justify;">பஞ்சகவ்யம், பீஜம்ரூத், ஜீவாமிருதம் போன்ற பாரம்பரிய இடுபொருள்களை உற்பத்தி செய்யும் அலகுகளை அமைத்தல், ஒரு ஏக்கருக்கு ஒரு அலகிற்கு ரூ.1500.</li> <li style="text-align: justify;">உயிர் உரங்களைப் பயன்படுத்தி காற்றிலுள்ள தழைச்சத்தை நிலைநிறுத்துவதற்கு கிளிரிசிடியா, சனப்பை போன்ற பசுந்தாள் உரங்களைக் கையாளுதல். ஒரு ஏக்கருக்கு ரூ.2000 வீதம் 50 ஏக்கருக்கு.</li> <li style="text-align: justify;">வேப்பம் புண்ணாக்கு வேப்ப எண்ணெய் போன்ற தாவர சாரங்களை உருவாக்கும் அலகுகள். ஒரு ஏக்கருக்கு ரூ.1000 வீதம் 50 ஏக்கருக்கு.</li> </ul> <h3 style="text-align: justify;">ஒருங்கிணைந்த உரமேலாண்மை</h3> <ul> <li style="text-align: justify;">திரவ உயிர் உரங்கள் கூட்டுச் சங்கம் (நைட்ரஜனை நிலைநிறுத்துதல் பாஸ்பேட் கரைவதற்கு ஃபொட்டாசியத்தைத்திரட்டும் உயிர் உரம்). ஒரு ஏக்கருக்கு ரூ.500 வீதம் 50 ஏக்கருக்கு.</li> <li style="text-align: justify;">திரவ பூச்சிக் கொல்லிகள் (டிரைகோடெர்மாவிர்டி, சூடோ மோனோமாஸ், மைட்டாரைசியம், பிவேரியா பேசியானா, பாசிலோமைசிஸ், வெர்ட்டிசிலியம் போன்ற உயிர் பூஞ்சானங்கள்). ஒரு ஏக்கருக்கு ரூ. 500 வீதம் 50 ஏக்கருக்கு.</li> <li style="text-align: justify;">வேப்பம் புண்ணாக்கு வேப்ப எணணெய் ஓரு ஏக்கருக்கு ரூ.500 வீதம் 50 ஏக்கருக்கு</li> <li style="text-align: justify;">பாஸ்பேட் மிகுதியாக உள்ள இயற்கை உரம் ஒரு ஏக்கருக்கு ரூ.1000 வீதம் 50 ஏக்கருக்கு</li> <li style="text-align: justify;">வெர்மிகம்போஸ்ட் எனப்படும் மண்புழுஉரம் (அளவு 7:3:1) ஒரு அலகிற்கு ரூ.5000 வீதம் 50 அலகுகளுக்கு</li> </ul> <h3 style="text-align: justify;">பாரம்பரிய அணுகுமுறை மையத்திற்கான செலவுகள்</h3> <ul> <li style="text-align: justify;">விவசாயக் கருவிகள் (வேளாண் எந்திரமயமாக்கலுக்கான துணைத்திட்டம்). பவர்டில்லர், களைஎடுக்கும் கருவி, கதிரடிக்கும் இயந்திரம், தெளிப்பான், உழவுகால் திறப்புக் கருவி, பூவாளி, மின்னணு எடை இயந்திரம் போன்றவை.</li> <li style="text-align: justify;">தோட்டக்கலைப் பயிர்களின் ஊடே நடந்துசெல்வதற்கான தடங்கள் (ஒருங்கிணைந்த தோட்டக்கலைப்பயிர்கள் மேம்பாட்டுத் திட்ட வழிமுறைகளின் படி கால்நடைக் கொட்டகை கோழிக்கூடுகள் பன்றிக்தொழுவம் உயிர் உரங்களைப் பெறுவதற்காக – திட்ட வழிமுறைகளின்படி. குழுக்களின் இயற்கை வேளாண்இடுபொருள்களைப் பொதியிடுதல், வில்லையிடுதல், தொழிற்சின்னம் இடல்.</li> <li style="text-align: justify;">விளைபொருள்களை பொதியில் இட்டு சொல்லச்சு முப்பரிமாண உருவத்துடன் பதிக்கப்படும் ஹோலோகிராம் வில்லைகளை அச்சிடுதல். ஒரு ஏக்கருக்கு ரூ.2500 வீதம் 50 ஏக்கருக்கு</li> <li style="text-align: justify;">விளைப்பொருள்களை எடுத்துச் செல்லுதல் (நான்கு சக்கர வாகனம், 1.5 டன் சுமைதிறன் கொண்டது) அதிகபட்சமாக ரூ.120000 உதவி ஒரு குழுவிற்கு.</li> <li style="text-align: justify;">இயற்கை வேளாண் கண்காட்சிகள் (ஒரு குழுவிற்கான அதிகபட்ச நிதி ரூ.36330)</li> </ul> <p style="text-align: justify;">ஆதாரம்: வேளாண்மை, கூட்டுறவு, விவசாயிகள் நலத்துறை. விவசாயம் மற்றும் விவசாயிகள் நல அமைச்சகம், இந்திய அரசாங்கம்</p> </div>