<div id="MiddleColumn_internal" style="text-align: justify; "> <p style="text-align: justify; ">ટપક પિયતનું ખેતરમાં આયોજન હાથ ઘરતાં પહેલાં નીચે મુજબના મુદ્દાઓ દયાનમાં લેવા જરૂરી છે.</p> <h3>સામાન્ય આયોજન :</h3> <ul> <li>કેટલો વિસ્તાર ટપક સિંચાઈ હેઠળ આવરી લેવાનો છે, તેનો ચોક્કસ વિસ્તાર માપવો.</li> <li>ક્યા પ્રકારની પાક પદ્ધતિ છે તેનો ખ્યાલ રાખવો.</li> <li>જે પાકમાં ટપક પદ્ધતિ અપનાવવા ની છે તે ચોક્કસ રીતે માપવી.</li> <li>છોડના ઘેરાવાનો વિસ્તાર કેટલો છે તે ચોક્કસ રીતે માપવો.</li> <li>બે હાર તેમજ બે છોડ વચ્ચેનું અંતર માપવું.</li> <li>એક હાર્માં કેટલા છોડ છે અને કુલ કેટલી હાર છે તેની ગણતરી કરવી જેથી કુલ છોડની સંખ્યા મળી જાય.</li> <li>પાણી ની ગુણવતા જાણવા માટે પાણીના નમુનાનું ચોક્ક્સાઈ પુર્વક પ્રુથક્કરણ કરાવવું.</li> <li>જમીનનો ઢાળ અને તે અંગે ની જાણકારી મેળવવી.</li> <li>જમીનના નમુનાનૂં પ્રુથક્કરણ કરાવવું જેથી ઘટતા તત્વો ફર્ટિગેશન દ્ધારા ઉમેરી શકાય.</li> <li>પાણી નદી , કૂવો , કેનાલ કે બોરવેલમાંથી લેવાનું છે તે દર્શાવવું.</li> <li>પાણીના ઉદગમસ્થાન થી પાકનું અંતર ચોક્કસાઈ પુર્વક માપી નક્શામાં દર્શાવવું.</li> <li>કુવા માંથી પાણી લેવાનું હોય તો કુવાની ઊંડાઈ માપવી.</li> <li>પંપ ઉનાળામાં કેટલા ચાલે છે તે પ્રમાણેનું આયોજન કરવું.</li> <li>ઉનાળામાં કુવામાં કેટલી સપાટી એ પાણી રહે છે તેમજ દરરોજનો ડિસ્ચાર્જ કેટલો છે તેની જાણકારી મેળવવી.</li> <li>પંપનો ડિસ્ચાર્જ , હોર્સપાવર , ક્ષમતા અને પંપ બનાવનાર તેમજ ટોટલ હેડ વિશે જાણકારી મેળવવી.</li> <li>ડિલિવરી હેડ અને સેકશન હેડ તેમજ પાઈપ ની સાઈઝ કેટલી છે તે નોંધવું.</li> <li>પંપનું મોડલ મોનોબ્લોક , કપલ્ડ , સબમર્સિબલ કે જૅટ છે તે દયાનમાં રાખવું.</li> <li>ખેતરમાં પી.વી.સી. પાઈપ લાઈન હોય તો તેની લંબાઈ, કદ અને નકશામાં દર્શાવવું.</li> </ul> <h3>ખેતી વિષયક આયોજન :</h3> <ul> <li>ક્યા પ્રકારની જમીન છે તેમજ રેતી, કાંપ અને માટીનું પ્રમાણ લક્ષમાં રાખવું જોઈએ, તેમજ કેટલી માત્રામાં ઢાળ છે તે નક્કી કરવું.</li> <li>જમીન ની પાણી ટકાવવા ની તેમજ ચુસવાની ક્ષમતા જાણવી.</li> <li>છોડના મુળની ઊંડાઈ કેટલી છે તે જાણવું.</li> <li>પાણી છોડને કેટલું આપવાનું છે તે જમીનની લાક્ષણીકતા ઓ ઉપર આધારીત છે. તેથી જમીનની લાક્ષણીકતા ઓ જાણવી જરૂરી છે.</li> </ul> <h3>પિયત માટેનું આયોજન :</h3> <ul> <li>દરરોજના પાણીના બાષ્પીભવન ને લક્ષમાં લેવું.</li> <li>જમીનમાં કેટલો ભેજ છે તેની જાણકારી મેળવવી.</li> <li>છોડની દરરોજની પાણીની જરૂરીયાત ની નક્કી કરવી.</li> <li>છોડની પાન પરથી બાષ્પોત્સર્જન કેટલું થાય છે તે વિષે જાણવું.</li> <li>છોડની દુષ્કાળમાં ટકી રહેવાની શક્તિ એટલે કે છોડ પાણી વિના કેટલું જીવી શકે છે તેની જાણકારી હોવી જોઈએ.</li> <li>કેટલા પાણીની જરૂરીયાત છે તેની ગણતરી કરવી જરૂરી છે.</li> <li>સિંચાઈ વખતે કેટલું પાણી આપવું તેમજ કેટલી સિંચાઈ ની જરૂર છે તે જાણવું જરૂરી છે.</li> <li>બે સિંચાઈ વચ્ચેનો ગાળો નક્કી કરવો.</li> <li>જમીન ના પ્રકાર પ્રમાણે માટે ભારે , મધ્યમ કે હલકી જમીન માં પાણી ઉતારવાની પદ્ધતિ તથા મૂળ વિસ્તારની જાણકારી હોવી જરૂરી છે.</li> </ul> <p style="text-align: justify; "><strong><span>સ્ત્રોત :સુક્ષ્મ પિયત પદ્ધતિ </span></strong><strong>, માર્ચ – ૨૦૧૬</strong></p> <p style="text-align: justify; "><strong>પ્રકાશક</strong><strong>: વિસ્તરણ શિક્ષણ નિયામક આણંદ કૃષિ યુનિવર્સિટી, આણંદ– ૩૮૮૧૧૦</strong></p> <p style="text-align: justify; "><strong>કૉલેજ ઓફ એગ્રિકલ્ચરલ ઈન્ફોર્મેશન ટેક્નોલોજી</strong><strong>, આણંદ <img src="https://static.vikaspedia.in/media_vikaspedia/gu/images/agriculture/aaaabeaa3ac0-ab8a82ab8abeaa7aa8acb/copy_of_logo.jpg" alt="" class="image-inline" title="" /></strong></p> </div>