<p style="text-align: justify; "> </p> <p style="text-align: justify; ">ৰহৰ এবিধ ছেঁই জাতীয় উদ্ভিদ। ইয়াৰ কেঁচা আৰু শুকান বীজ বা গুটি বিভিন্ন ধৰণে আঞ্জা ৰান্ধি জুতি লগাই খাব পাৰি।</p> <p style="text-align: justify; ">যিবিলাক অঞ্চলৰ লোকৰ প্ৰধান খাদ্য ৰুটী সেইবোৰ অঞ্চলত ৰহৰ দাইলৰ চাহিদা বহুত বেছি।</p> <p style="text-align: justify; ">মুখৰোচক এইবিধ খাদ্য শস্যৰ কৃদ্ধি চমুকৈ এনেধৰণৰ-</p> <h3 style="text-align: justify; ">পথাৰ বাছনি -</h3> <p style="text-align: justify; ">পানী ওলাই যোৱা সু-ব্যৱস্থা থকা বালিঅঁহীয়া পলসুৱা মাটি ৰহৰ খেতিৰ বাবে উত্তম।</p> <p style="text-align: justify; ">ঘৰুৱাভাৱে পুখুৰীৰ পাৰ বা হালধি খেতিৰ মাজতো এই খেতি কৰিব পাৰি।</p> <h3 style="text-align: justify; ">পথাৰ প্ৰস্তুতকৰণ -</h3> <p style="text-align: justify; ">৩-৫ বাৰ হাল বাই মৈয়াই মাটিডৰা মিহি আৰু সমান কৰি চহাই বনবাত আঁতৰাই ল’ব লাগে।</p> <p style="text-align: justify; ">জাত বাছনি:</p> <p style="text-align: justify; ">সকলো অঞ্চলৰ বাবে অনুমোদিত জাত টি-২১।</p> <p style="text-align: justify; ">এই জাতৰ ৰহৰ গছবোৰ সামান্যভাৱে জোপোহা, মজলীয়া ওখ(১৭০-১৮৫ ছেঃমিঃ) আৰু ১৭০-২০০ দিনৰ ভিতৰত চপাব পাৰি।</p> <p style="text-align: justify; ">বীজ সিঁচা সময়:</p> <p style="text-align: justify; ">জুন-জুলাই।</p> <p style="text-align: justify; ">বীজৰ পৰিমাণ:</p> <p style="text-align: justify; ">বিঘাই প্ৰতি ১.৮-২ কেজি।</p> <h3 style="text-align: justify; ">সাৰ প্ৰয়োগ -</h3> <p style="text-align: justify; ">বিঘাই প্ৰতি ৬ কুইন্টলকৈ পচন সাৰ বা পথৰুৱা সাৰ প্ৰয়োগ কৰিব লাগে।</p> <p style="text-align: justify; ">ৰাসায়নিক সাৰৰ ক্ষেত্ৰত ইউৰিয়া ৫ কেজি আৰু ছুপাৰ ফছফেট ৩৫ কেজি প্ৰতি বিঘাৰ বাবে প্ৰয়োজন।</p> <p style="text-align: justify; ">আনহাতে, ৰাইজোবিয়াম কালচাৰেৰে বীজ শোধন কৰিলে ইউৰীয়া ৩ কেজি আৰু ছুপাৰ ফছফেট ৩৫ কেজি হ’লেই হ’ব।</p> <p style="text-align: justify; ">ৰাইজোবিয়াম ২০০ গ্ৰাম + ফছফটিক ২০০ গ্ৰাম * ১০ কেজি বীজ অনুপাতত প্ৰয়োগ কৰিব লাগিব।</p> <p style="text-align: justify; ">ব্যৱধান:</p> <p style="text-align: justify; ">শাৰীৰ মাজত ৭৫ ছেঃমিঃ আৰু গছৰ মাজত ৩০ ছেঃমিঃ ব্যৱধান ৰাখিব লাগে।</p> <p style="text-align: justify; ">প্ৰতিপালন:</p> <p style="text-align: justify; ">বীজ সিঁচাৰ ২০-২৫ দিনৰ পিছত এবাৰ বন-বাত নিৰাই দিব লাগে।</p> <h3 style="text-align: justify; ">শস্য ৰক্ষা -</h3> <p style="text-align: justify; ">ছেঁই খোৱা, গুবাৰুৱা, পাতমেৰোৱা, ফুটি পোক আদি নিয়ন্ত্ৰণৰ বাবে মেলাথিয়ন ৫০ ই চি নাইবা ছুমিথিয়ন ৫০ ই চি ঔষধ স্প্ৰে কৰিব লাগে।</p> <p style="text-align: justify; ">১৫ মিঃলিঃ ঔষধ * ১ লিটাৰ পানী এই অনুপাতত।</p> <p style="text-align: justify; ">শস্য চপোৱা:</p> <p style="text-align: justify; ">গুটি সিঁচাৰ ১৭০-২০০ দিনৰ ভিতৰত শস্য চপাবৰ হয়। গছবোৰ গুৰিতে কাটি ৰ’দত শুকাই মাৰিৰে কোবাই গুটিবোৰ সৰাব লাগে।</p> <p style="text-align: justify; ">উৎপাদন:</p> <p style="text-align: justify; ">বিঘাই প্ৰতি ১.৫-২.০ কুইন্টল ৰহৰ খেতিৰ উৎপাদন হয়।</p> <p style="text-align: justify; "><b><i>লেখক: প্ৰবোধ চন্দ্ৰ শৰ্মা(দৈনিক অসম)</i></b></p> <p style="text-align: justify; "> </p> <p style="text-align: justify; "> </p> <p style="text-align: justify; "> </p> <p style="text-align: justify; "> </p>