য়েন-ঙানুগী য়েরুম অমসুং মশা অসি মীওইবগী দাইটপু বেলেন্স ওইহন্নবা ক্বালিটি লৈবা প্রোটিন, মিনরেল অমসুং ভিটামিনশীংগী মরুওইবা সোর্সশীংনি। য়াম্না থুনা চাউগনবা অমসুং হায় ফিদ কনভর্সন ইফিসিএন্সি (high feed conversion efficiency)গী মগুন চেনবা অখন্ননা দিভেলপ তৌবা য়েরুম মখলগী য়েন ধারা অসি হৌজিক ফংলে। ফার্ম সাইজগী মখা পোন্দুনা, পোলত্রি ফার্মিং অসি চহি চুপ্পা ফেমিলি ইনকমগী মপুং ওইবা সোর্স অমা ওইবা য়াই নত্ত্রগা অপিকপা ফার্মরশীংদা ইনকম অমসুং শেন্দোং লৈবা ইমপ্লোয়মেন্ট পীবা য়াই। পোলত্রিগী মেন্যুওর (Poultry manure) অসিদা হারগী মগুন য়াম্না য়াউই অমসুং মহৈ-মরোং পুম্নমক্কী পোত্থোক হেনগৎহনবদা শীজিন্নবা য়াই। য়েন-ঙানু লোইবদা, লায়না হায়বসিনা ফার্মিংগী শেনমিৎলোন্দা শাথীবা চৈফু অমা পীরিবা মরুওইবা ফেক্টর অমা ওইরি। য়েন-ঙানুশীং অসি য়াম্না লৌনগনবা লায়না কয়ানা তোয়না নাগল্লি। মরম অদুনা, লায়না থীংনবা অমসুং কন্ত্রোল তৌনবা মতিক চাবা থৌরাং লৌখৎপা হায়বসি তঙাইফদে। য়েন-ঙানুদা শন্দোক্লিবা লায়নাগী মপুং ওইবা সোর্সশীংদি, অচোৎপা অমোৎ-অকায়শীং, মচিঞ্জাক অমসুং ঈশীং, অনাবশীংগা পুন্না থমীন্নবা, লায়না পক্লবা খুৎশু-খুৎলায়, এটেন্দেন্টশীং অমসুং ভিজিটরশীং, নুংশিৎ, এক্সটরনেল পেরাসাইটশীং, কোয়থা থাদোকপা য়েন-ঙানুশীং, উচিশীং অমসুং হয়িংশীং অসিনচিংবশীং অসিনি। লায়না চংলকপা থীংনবগী পায়খৎকদবা প্রিন্সিপলশীং মমিং লৈবা হেটচরিশীংদগী লায়না চেন্দবা ওনবা কুইদ্রিবা য়েন্নাউশীং লৈরো। মচিঞ্জাকশীং অদু মরক মরক্তা চাং নাইনা মাইক্রোবাইএল এজেন্টশীং নত্ত্রগা তোক্সিনশীং য়াউব্রা হায়বদু চেক তৌগদবনি। মচিঞ্জাকশীং অদু হায়জিনিক ওইবা মওংদা থমজিন্নবগী খুদোংচাবা লৈগদবনি। অতৈদা মচিঞ্জাক থাবা লোয়রগা অনাবা য়েনশীং থম্ফম মকোন অদুদা অকোনবদা থাবীগদবনি। মতম পুম্বদা অশেংবা অমসুং থকপা য়াবা ঈশীং শোয়দনা পীগদবনি। করিগুম্বা মথৌ তারবদি চুনবা সেনিটাইজরশীং শিজিন্নগদবনি।. অশেংবা ঈশীংগী সপ্লাই ফংহন্নবা মতম মতমগী ওইনা গুহা, পাইপশীং অমসুং টেঙ্কিশীং অশোই-অঙাম লৈতনবা য়েংশিনগদবনি। হেটচরি দোক্টরনা রেকমেন্দ তৌবা অকক্নবা মফমগী ওইবা ভেক্সিনেসন সেদ্যুল অমা য়াম্না চেক্সিন্না ইনগদবনি। মথৌ তাবা মফমদা রোদেন্ট কন্ত্রোল প্রোগ্রাম (উচি কন্ত্রোল তৌনবগী প্রোগ্রাম) অদু মেকানিকেল (লাংশীং) নত্ত্রগা কেমিকেল টেক্নিকশীং মরিক চুম্বা সেনিটেসনগী থৌওংগা লোয়ননা পায়খৎকদবনি। য়েন লোইফমদগী মহৈ-মরোংশীং য়োন্থোক্লবা মতুংদা, য়েনগোনশীং অদুদগী অমোৎ-অকায়, খুৎশু-খুৎলাই, অতেক-অকায় পুম্নমক লৌথোক্লগা শুমজিৎ শিত্তোক্তুনা অমসুং মৈ থাদোক্তুনা নালহনগদবনি। উচিনা খোত্তোকপা অমসুং থুগায়বা মফমশিং অদু বিলাটিমাটিনা মেনশিনগদবনি। অমোৎ-অকায়শীং অদু ফার্মগী অকোয়বদা মেন্যুওর ওইনা শীজিন্নগনু। য়েনগোন অমসুং খুৎশু-খুৎলাইশীং অদু ঈশীং অমসুং চুনবা দিতরজেন্টশীংনা শেংনা চামথোকউ। য়েনগোন অমসুং খুৎশু-খুৎলায়শীং য়াউনা, ফার্মগী অকোয়বদু রেকমেন্দ তৌরবা চাংদা ফোরমেলিন স্প্রে শীজিন্নদুনা তিন-কাং হাত্তোক্কদবনি। খোং-খুৎ চামথোক্নবা পাত্র (Foot baths) অদুদা মতম পুম্নমক্তা দিসইনফেক্টেন্ট হাপ্তুনা থমগদবনি। ফার্মদা ভিজিট তৌবা গারি পুম্নমক চুনবা দিসইনফেক্টেন্ট স্প্রেনা মপুংফানা দিসইনফেক্ট তৌগদবনি। মরুম কোকফমদা থবক তৌরিবা মীওইশীং অদুবু মচা কোনফম নত্ত্রগা মচিঞ্জাক শেম্ফমদা চংহল্লোইদবনি। ভিজিটর পুম্নমক ফুট বাথ শীংদা শোয়দনা চৎহনগদবনি। অশীবা য়েনশীং হায়জিনিক ওইবা মওংদা, ইনসাইনরেটর (incinerator) শিজিন্নদুনা নত্ত্রগা কোমদা ফুমজিনবগী মেথদ (pit method) শিজিন্নদুনা দিস্পোজ তৌবা হায়বসি য়াম্না তঙাইফদে। লাইচৎ অমা থোক্লক্লবদি করি তৌবা তাবগে য়েনশীং অদু পুথোক-পুশীন তৌবা (য়োনবা অমসুং লৈবা) হন্থহনগদবনি। চেক্সিনবা হায়জিনগী পাম্বৈশীং ইনগদবনি। ভেটরিনরিয়ানশীংগী মতেং লৌগদবনি। ভেক্সিন পীবগী সেদ্যুল ভেক্সিন কাপ্পগী চয়োল ভেক্সিন কাপ্পগী মখল নুমিৎ খরনিদা ঙাইরিবা মারেকস নুমিৎ 15 (দোজ 1/2) ইনফেক্সিয়স বরসেল (Infectious Bursal) নুমিৎ 20 (দোজ 1/2) ইনফেক্সিয়স বরসেল নুমিৎ 25 ব্রোনকাইটিস, নিয়ু কেসল, ইনফেক্সিয়স বরসেল (টাইপিকেল ব্রান্দ নেম কোম্বো ভেক্সিন 30) নুমিৎ 30 ব্রোনকাইটিস, নিয়ু কেসল, ইনফেক্সিয়স বরসেল (টাইপিকেল ব্রান্দ নেম কোম্বো ভেক্সিন 30) নুমিৎ 49 ব্রোনকাইটিস, নিয়ু কেসল, ইনফেক্সিয়স বরসেল (টাইপিকেল ব্রান্দ নেম কোম্বো ভেক্সিন 30) চয়োল 10 ফোল পোক্স অমসুং লারিঙ্গোত্রেকিটিস (কমন ওইনা LT হায়নসু খংনৈ) চয়োল 12 কোম্বো ভেক্সিন 30 চয়োল 13 এভিয়ান এন্সেফেলোমায়লিটিস (কমন ওইনা AE হায়নসু খংনৈ) চয়োল 16 নিয়ু কেসল য়েনগী মরুওইবা লায়নাশীং ফাউল পোক্স ফোল পোক্স (Fowl Pox)কী অকংবা মওং (dry form) অসি মতু হৌদবা শরুকশীংদা (মকোক, মখোং, মনিং (vent), অসিনচিংবা) পোমখৎপা, উনশা তংবা (wart-like lesions) উৎলকপসিনা ওই। মরুম কোকপী য়েনবীশীংদা, ইনফেক্সন অসিনা মরুম কোকপা হন্থহল্লকই। মনপ-মতিন তাবা মওংদনা (wet form), মচিন, ফারিঙ্কস, লারিঙ্কস অমসুং ত্রাকিয়াদা চাত্থৎপা (canker-like lesions) লৈরকই। মনপ-মতিন তাবা মওং অসিনা অপ্পর এয়র পেসেজশীং অদুদা অপন-অরাক পীদুনা শ্বর হোনবদা অপনবা থোকহনবা য়াই। লাইয়েং – লাইয়েং অমত্তা লৈতে। অদুম ওইনমক, ফোল পোক্স অসি য়াম্না তপ্না শন্দোক্কল্লি। মরম অদুনা, লাইচৎ ওইনা শন্দোকপা থীংনবা টিকা থাদোকপা য়াগনি। মসিবু থীংবা – য়েন লোয়বদা য়েনগোন্দা শন্দোকপা ফোল পোক্সকী লাইচৎ ওসিদি কাংশীং হাৎনবা স্প্রে কাপথোকপনা কন্ত্রোল তৌবা ঙম্মী। অদুম ওইনমক, করিগুম্বা ফোল পোক্স অদু এরিয়া অদুদা শন্দোরক্লবদি, ভেক্সিন কাপথোকপনা হেন্না কান্নগনি। নিয়ুকাসল দিজিজ নিয়ুকাসল দিজিজ (Newcastle Disease) অসি মখোল শিনা খোংবা (য়েনশীংদা), নাতোন্দগী মহি তাবা, শ্বর ৱানা হোনবা (gasping), মমায় পোমখৎপা, পেরালাইসিস, থক-থক নিকপা অমসুং মঙক পৈবা (সেন্ত্রেল নর্ভস সিষ্টেম য়াউবগী খুদম্নি) য়াউনা ক্লিনিকেলগী খুদমশীং খংহৌদনা থোরকপা উরকই। শিবগী চাংদি পেথোজেনিসিটিগী মখা পোন্না চাদা 10দগী 80 ফাউবা ওই। লাইয়েং – নিয়ুকাসল দিজিজগী অকক্নবা লাইয়েং লৈতে। সেকেন্দরি বেক্টেরিএল ইনফেক্সনশীং থীংনবা নুমিৎ 3দগী 5 ফাউবা এন্টিবাইওটিক পীবা য়াই। য়েন্নাউশীংগী ওইনদি, মরুম কোনবগী টেম্পেরেচর অদু 5°F হেনগৎপনা অশোয়-অঙাম থোকপা হন্থহনবদা মতেং পাংবা য়াই। মসিবু থীংবা – মসি থীংনবগী প্রোগ্রামশীংগী মনুংদা ভেক্সিন কাপ্পা, অফবা সেনিটেসন লৈহনবা অমসুং পাক-চাউবা বাইওসেক্যুরিটি প্রোগ্রাম অমা ইমপ্লিমেন্ট তৌবনচিংবশী য়াউহনগদবনি। ইনফেক্সিয়স ব্রোনকাইটিস ইনফেক্সিয়স ব্রোনকাইটিস (Infectious Bronchitis) ইনফেক্সন অসিগী শাথীবগী চাং অসি য়েনশীং অদুগী ইম্ম্যুন ষ্টেটস অমসুং চহি, অকোয়রোনগী ফিভমশীং, অমসুং অতৈ লায়নাশীং লৈবনা ঈথীল পী। মচিঞ্জাক চাবা অমসুং ঈশীং থকপা হন্থরকই। অনাবা য়েনশীং অদুগী মনাতোন অমসুং মমিত্তা মহি চেন্দুনা খোংদুনা লৈগনি, অমসুং অপিকপা য়েন্নাউশীংদদি শ্বর ৱানা হোনবসু উগনি। য়েনশীং অদুনা পোত্থারিঙৈ মতম নুমিদাংদনা হেন্না শ্বর হোনবগী মখোলশীং তাবা ফংগনি। য়েরুম কোকপগী চাং য়াম্না হন্থখিগনি। য়েরুম মকু অদু কনবা হেল্লকই অমসুং য়েরুমগী অঙৌবা শরুক অদু মহি লাংবা হেল্লকই। লাইয়েং – মসিগী অকক্নবা লাইয়েং লৈতে। নুমিৎ 3-5 নি এন্টিবাইওটিক পীজবনা সেকেন্দরি বেক্টেরিএল ইনফেক্সন থেংনবদা মতেং ওইবা য়াই। য়েরুম কোনবগী মতম য়ৌরবা য়েনশীংগী ওইনদি লাইওংশীং হন্থখিদ্রিফাউবা রুম টেম্পেরেচর অদু 5°F ফাউবা ৱাংখৎহনগদবনি। য়েন্নাউশীংবু লুম্বু-লুম্বু শাবা, মহি লাংবা চেংকুপ (mash) পিজনবা থৌরাং তৌগদবনি। মসিবু থীংবা – বাইওসেক্যুরিটি প্রোগ্রাম অমা শেমগত্তুনা চৎনহল্লু। ভেক্সিনশীংদি ফংগনি। এভিয়ান ইনফ্লুএঞ্জা এভিয়ান ইনফ্লুএঞ্জা (Avian Influenza) অসি য়াম্না কন্দবা নত্ত্রগা লায়না পোকহনবা ঙম্বা হায়না কাংলুপ খায়দোকপা য়াই। য়াম্না কন্দবা মওংগী কাংলুপ অসিনা চনিং তাদবা, চানিং-থক্নিংবা পোক্তবা, শ্বর হোনবা ৱাবা, দায়রিয়া, অতেনবা মতমদা য়েরুম পুথোকপা হন্থবা অসিনচিংবা থোকহল্লি। লায়না পোকহনবা ঙম্বা মওংগী কাংলুপ অসিনা মমায় পোমখৎপা, মতোক হিগোক চংবা অমসুং চোন্থবা, অমসুং শ্বর হোনবা ৱাবগা লোয়নবা দিহায়দ্রেসন অসি থোকহল্লি। য়েনশীংগী মখোং অমসুং মতোকতা মুরৈনবা/ অঙৌবা মপাক থোক্লকপা হৌরকই। করিগুম্বা মতমদা মনাতোন্দগী ঈ মচুগী মনপ তারকপা য়াউই। শীবগী চাং অসি অনেম্বদগী হৌরগা চাদা 100গী মনাক ফাউবা ওইবা য়াই। খংহৌদবা চিংথেকপনা (Sudden exertion) মপুং ফানা শিহনবা য়াই। কন্দবা মকু অমসুং মকু য়াউদবা য়েরুমশীং কোকপগী চাং হেনগৎলকপা য়াই। লাইয়েং – মসিগী মতিক চাবা লাইয়েং লৈতে। লায়না অসিগী য়াম্না কন্দবা মওংগা লোয়ননা, অফবা মওংদা লোইবা, চুনবা মচিঞ্জাক পীজবা অমসুং এন্টিবাইওটিক মওং চুম্না পীজবনা সেকেন্দরি ইনফেক্সনশীংনা থোকহনবা মাং-তাকপশীং হন্থহনবা য়াই। রিকোভর তৌরবা য়েনশীংদা ভাইরস অসি মখা তানা লৈগল্লি। মসিবু থীংবা– লায়না অসিগী কন্দবা মওংশীং অদু কন্ত্রোল তৌবদা মওং চুম্বা ক্বারেন্টাইন অমগা লোয়ননা ভেক্সিনেসন প্রোগ্রাম অমা শিজিন্নৈ। হেন্না শাথীবা মওংগা লোয়ননা, মওং চুম্বা ক্বারেন্টাইন অমসুং অনাবা য়েন পুম্নমক য়াম্না থুনা লোয়শিনখিবনা এভিয়ান ইনফ্লুএঞ্জাগী লাইচৎ অমা থীংনবগী অমত্তা ঙাইরবা খ্বাইদগী ফবা মেথদনি। করিগুম্বা নহাক্না নহাক্কী য়েন ময়ামদুগী মনুংদা এভিয়ান ইনফ্লুএঞ্জা লৈরম্বা য়াই হায়না চিংনরবদি, নহাক্না মদু ষ্টেট ভেটরিনরিয়ানগী ওফিসতা পাউ পীগদবনি। ইনফেক্সিয়স লারিঙ্গোত্রাকেটিস (Infectious Laryngotracheitis) অপিকপা য়েন্নাউশীংদগীদি চয়োল 14 অমসুং মসিদগী হেনবা য়েন্নাউশীংদনা লায়না চংগনবগী চাং হেল্লি। অয়াম্বা লাইচৎশীংদি মপুং-মরৈ ফারবা য়েনবীশীংদনা হেন্না থোক্কল্লি। মহৌশানা অহানবা ওইনা উবা ফংবা ক্লিনিকেল সাইন (clinical sign) অসি মমিত্তা ঈরা চেনবা (watery eyes) হায়বসিনি। শ্বর হোনবা ৱাবা মরম্না নারবা য়েনশীং অদু তুমিন্না লৈগল্লি। লোক খুবা, হকথী খনবা অমসুং নুংশিৎ-উতোং (ৱিন্দপাইপ)দা পন্দুনা লৈবা পোৎশকশীং লৌথোক্নবা মঙক নিকপগী থৌওং লৈরকই। য়েনশীংনা মখোয়গী মকোক অমসুং মঙক অদু শ্বর হোনবা নুংঙাইনবা (“পম্প হেন্দল রেস্পিরেসন” হায়না কমন ওইনা খংনৈ) শাংদোকহল্লকই। শ্বর হোঞ্জিনবা মতমদা মখোল (wheezing and gurgling) অমা থোকই। অনাবা য়েনশীংগী নুংশিৎ-উতোংদগী (ত্রাকিয়া) ঈ-মচু চংবা মহি অমসুং মপং (Blood-tinged exudates and serum clots) পুথোক্লকই। য়েন কয়াদি নুংশিৎ-উতোংগী প্লগ (tracheal plug) অদু ফ্রি ওইরকপা মতমদা শ্বর ফুনবদগী শিবা থোকই। লাইয়েং – সেকেন্দরি ইনফেক্সন কন্ত্রোল তৌনবা এন্টিবাইওটিক পীগদবনি অমসুং য়েন মপৈ অদুবু ভেক্সিন পীগদবনি। য়েন অমমম্বু মমিত্তা হিদাক দ্রোপ হাপ্পিদুনা ভেক্সিনেসন তৌবনা হেন্না ফৈ। য়েন মশীং য়ামদ্রবদি, শ্বর ফুনগৎলিবা য়েনশীং অদুদগী প্লগ (ফুনহনলিবা পোৎশক) অদু লৌথোক্নবা স্বাব (লশিং য়াউবা মচৈ) অমা শিজিন্নৌ। মসিবু থীংবা – লাইচৎ থেংনরিবা ফার্মশীং অদুদা পুশিল্লক্লিবা য়েনশীং অদু টিকা থাদোক্কদবনি। মায়কোপ্লাজমা সাইনোভি (Mycoplasma synoviae) সাইনোভাইটিসনা (synovitis) নাহল্লবা য়েনশীংদা মখোংনা চৎপা ঙমদবগী মওং উৎলকই অমসুং মসিগী মতুংদা ইনর্জি লৈরক্তবা, লেং-ওৎলু য়ারক্তবা, শরু তাংশীংদা পোমখৎপা, তপ্না তপ্না চৎপা, অরুম্বা হন্থরকপা, অমসুং থবাক্তা ঈশীং হাল্লকপগী থৌওং লৈরকই। রেস্পিরেটরিগী মওংনা (respiratory form) নাহল্লবা য়েনশীংনা শ্বর হোনবা ৱাবগী থৌওং উৎলকই। শীগদৌরবা য়েনশীংদা অশংবা মচুগী দায়রিয়া (Greenish diarrhea) লৈগল্লি। লাইয়েং – রেস্পিরেটরি অমসুং সাইনোভাইটিস মওং অনিমক্কী রিকোভরি অসি তপ্পী। খ্বাইদগী হেন্না ইফেক্টিভ ওইবা এন্টিবাইওটিকশীং অদুদি টাইলোসিন, এরথ্রোমাইসিন, স্পেক্টিনোমাইসিন, লিনোমাইসিন অমসুং ক্লোরোটেকত্রাসাইক্লিন অসিনি। এন্টিবাইওটিকশীং অসি ইঞ্জেক্সন ওইনা পীবনা লাইয়েংশীং অসি খ্বাইদগী হেন্না ইফেক্টিভ ওই। মসিবু থীংবা – মপুংফানা মাংহনবা (Eradication) হায়বসিনা খ্বাইদগী ফবা অমসুং অমত্তা ঙাইরবা শোয়ফদ্রবা কন্ত্রোলনি। এসপরজিলোসিস এসপরিজিলোসিস (Aspergillosis) অসি চহি নৌরিবা য়েনশীংদা অতেনবা মতমগী শাথীবা লায়না (acute disease) অমা ওইনা অমসুং মপুং-মরৈ ফারবা য়েনশীংদনা মতম শাংনা নাবা লায়না (chronic disease) অমা ওইনা নাগল্লি। চহি নৌরিবা য়েনশীংনা শ্বর হোনবদা ৱারকই অমসুং শ্বর হোঞ্জিন্নবা কন্না হোৎনৈ। তোঙানবা মওং অমদা, এসপরগিলোসিসতদি শ্বর হোনবদা মখোন থোকপগী থৌওং (rales or respiratory sounds) লৈতে। মচিঞ্জাক চাবা হন্থরকই। মরক মরক্তা ফঙ্গেল টোক্সিন (fungal toxin)না পেরালাইসিস নত্ত্রগা কনভলসনশীং (খোং-খুৎ চিংবা নত্ত্রগা মশা চিংথেকপা) থোকহল্লি। নৌরিবা য়েনশিংদা শিবগী চাং অসি চাংচত্তা চাদা 5-20 ওই, অদুবু চাদা 50 ফাউবা ওইরকপসু য়াউই। মপুং-মরৈ ফারবা য়েনশীংদা শ্বর হোনবা ৱাবগী থৌওং লৈরকপসু য়াউই, অমসুং উনশা অদু হিগোক মচু অমসুং মুরৈনবা মচু (স্যানোসিস) চংলকপসু য়াই। উচেক খরদা ঙক লৈশিনবগুম্বা নর্ভস দিসওর্দরশীং লৈরকপা য়াই। মহৌশানা মপুং-মরৈ ফারবা য়েনশীংদা শিহনবগী চাং অসি চাদা 5দগী হন্থনা ওইগল্লি। লাইয়েং – মসিনা নাহল্লবা য়েনশীংগী লাইয়েংদি লৈতে। নুংশিৎ-নুংশা চংবগী চাং হেনগৎহন্দুনা, ইনফেক্সনগী সোর্স মাংহন্দুনা, অমসুং ফঙ্গিষ্টেট অমা (মাইকোষ্টেটিন, মোল্ড কর্ব, সোদিয়ম নত্ত্রগা কেলসিয়ম প্রোপিওনেট, নত্ত্রগা জেন্সন ভাইওলেট) মচিঞ্জাক্তা হাপতুনা অমসুং/ নত্ত্রগা নুমিৎ 3দি থক্নবা ঈশীংদুদা কোপ্পর সলফেট নত্ত্রগা এসিদ লুপ্লবা কোপ্পর হাপচিন্দুনা কন্ত্রোল তৌবা য়াই। উফুল অমসুং ফঙ্গেল স্পোরশীংগী এয়র মুভমেন্ট কন্ত্রোল তৌনবা য়েনগী কুনফমদুদা ওইল-বেজ জর্মিসাইদ অমা কাপথোকপা য়াই। মসিবু থীংবা – মরুম কোনফম অদু মপুংফানা শেংনা থম্বা অমসুং মহিক-মতাইশীং চেলহন্দবা হায়বসি য়াম্না মরুওই। য়ারিবমখৈ তরু-তনানবা মকোন শিজিন্নগদবনি, অমসুং ঙম্লবদি অথোৎপা উগী জব্রা (soft wood shavings)না শেম্বা মকোননা হেন্না ফৈ। অচোৎপা উগী জব্রা নত্ত্রগা মকু অমসুং উকুম (sawdust) শিজিন্নরোইদবনি। মারেকস দিজিজ মারেকস দিজিজ (Marek’s Disease) অসি এভিয়ান কেন্সরগী মখল অমনি। নর্ভশীংদা লৈবা ট্যুমরশীংনা চৎপা ঙমদবা অমসুং পেরালাইসিসকী থৌওং থোকহল্লি। মমিত্তা ট্যুমরশীং লাকপা য়াই অমসুং মীৎ নহা মওং চুম্না লৈতবা অমসুং মমিৎ তাংবগী থৌদোকসু থোকহল্লকপা য়াই। লিভর, কিদনি, স্প্লিন, গোনাদশীং, পেনক্রিজ, প্রোভেনত্রিক্যুলস, লংস, মসলস, অমসুং স্কিনদা ট্যুমরশীং লৈরকপনা কোওর্দিনেসন লৈরক্তবা, উনশাদা ঈ থাংলক্তবা, শ্বর ৱানা হোনবা, অমসুং মতুগী তুখোংশীং লাউথোরকপগী থৌওং লৈহল্লকপা য়াই। অরোইবা তাংকক্তা, উনশাদা ঈ থাংলক্তবা, মতোকতা উনশা কায়রকপা অমসুং অশংবা মচুগী দায়রিয়ানা নারকই। মারেকস দিজিজ অসি লিম্ফোইদ লিয়ুকোসিসকা য়াম্না মান্নৈ, অদুবু মারেকস অসিদি মহৌশানা চয়োল 12 দগী 25 ফাউবগী মনুংদা লৈবা য়েন্নাউদা নাগল্লি অমসুং লিম্ফোইদ লিয়ুকোসিস অসিদি মহৌশানা চয়োল 16 শুরবা মতমদা হৌগল্লি। লাইয়েং - মসিগী লাইয়েং অমত্তা লৈতে। মসিবু থীংবা – য়েন্নাউশীং অসি হেটচরিদা (মরুম কোকফম) টিকা থাদোকপা য়াই। টিকা থাদোকপনা ট্যুমর লাকপা থীংলবসু, ভাইরসনা ইনফেক্সন থোকহনবদি থীংদে। লিম্ফোইদ লিয়ুকোসিস (Lymphoid Leukosis) লায়না অসিবু নাহল্লিবা ভাইরস অসিগী মচা ওল্লকপগী (incubation period) মতম অসি য়াম্না শাংই (থা 4 নত্ত্রগা মসিদগী হেনবা)। মসিগী ফল অমা ওইনা, য়েনশীং অসিনা চয়োল 16 নত্ত্রগা মসিদগী হেন্দ্রিবফাউবদি ক্লিনিকেল সাইন অসি উবা ফংদে। নারবা য়েনশীং অদু য়াংনা শোন্থরকই অমসুং মশা পাথরকই। মতোক (comb) চাউবা হন্থরকই। মবুক (abdomen) অদু চাউথোরকই। লোয়রমদাইগী (শীরমদাই) তাংকক্তা অশংবা মচুগী দাইরিয়া লৈরকই। লাইয়েং – মসিগী লাইয়েং অমত্তা লৈতে। মসিবু থীংবা ভাইরস অসি অনাবা য়েনশীংনা কোকপা য়েরুমগী মমুত্তা অমসুং অঙৌবা শরুক অদুদা য়াউই। নেসনেল অমসুং ইন্টরনেসনেলগী লেয়র ব্রিদরশীংদি (মরুম কোকপী জাতশীং) মখোয়গী য়েন কাংলুপতগী লিম্ফোইদ লিয়ুকোসিস অসি মপুংফানা মাংহনখ্রে (eradicated)। ইনফেক্সিয়স বরসেল দিজিজ (Infectious Bursal Disease) মহৌশানা চয়োল 3দগী হেল্লবা অনাবা য়েনশীংদা খংহৌদনা মচিঞ্জাক অমসুং ঈশীং চাউ-থকউ য়ারক্তবা, মনিংগী (vent) অকোয়বদা হৌরিবা মতুশীংদা চোৎ-চোৎ লাউনা লৈবা অমসুং মনিং অদু চপশীনবগা (vent pecking) লোয়ননা, লায়না অসি য়াংনা উত্থোকপা হৌরকই। মতুশিংদু পোন্দুনা লৈ (ruffled)। য়েন্নাউশীংদু মশা খিংবা হন্থরকই অমসুং তাশিন্দুনা লৈরকই। য়েন্নাউ অদুনা চয়োল 3 শুদ্রিঙৈদা নারকপা ওইরবদি ক্লিনিকেল দিজিজ দিভেলপ তৌরোই, অদুবু শাথীনা অমসুং মতম চুপ্পগী ওইনা ইম্ম্যুন ৱাৎপা (immunosuppressed) ওই। লাইয়েং – মসিগী অকক্নবা লাইয়েংদি লৈতে। ভিটামিন-ইলেক্ত্রোলাইট থেরাপি অসি কান্নৈ। তেত্রাসাইক্লিনগী হায় লেভেলশীংদি পীনদে মরমদি মখোয় অসি কেলসিয়মগা কোন্নবা মরম্না রিকেট (rickets) লাক্কল্লি। মসিবু থীংবা – ভেক্সিন লৈবা ফংই। এভিয়ান এন্সেফেলোমায়েলাইটিস (Avian Encephalomyelitis) য়েন্নাউ ওল্লক্লপগী অহানবা চয়োলগী মনুংদা অমসুং অনিশুবা অমসুং অহুমশুবা চয়োলগী মরক্তা সাইনশীং (খুদমশীং) থোক্কল্লি। নারবা য়েন্নাউশীংনা অহানবদা মমিৎ উইরুম-উইরুম তৌবা হৌরকপা য়াই, অমসুং মদুগী মতুংদা কোর্দিনেসন লৈতবা, খোংনিংনা (sitting on hocks) ফম্বা, মকোক অমসুং মঙৈ নিকপা, অমসুং খ্বাইদগী কোনবদা পেরালাইসিস নত্ত্রগা মশাদু পদ্রাক তারক্কনি। য়েন্নাউ খরদি চৎলু হায়বা য়ারক্লোই নত্ত্রগা মখোয়গী খোংনিংনা (hocks) চৎকনি। লায়না অসিনা খুমাং চাউশিন্না নারবা কেসশীংদা য়েন্নাউ কয়াদি মখোং অনিমক্তু নাকল অমদা পুন্না লৈদুনা (পদ্রাক তারক্তুনা) শিগনি। তাংকক পুম্নমক অসি (মশা খিংদবা, নিকপা, প্রদাক তাবা) মহৌশানা অনাবা য়েন্নাউ কাংলুপ অমদা উবা ফংই। মচিঞ্জাক অমসুং ঈশীং চাবা-থকপা হন্থরকই অমসুং য়েন্নাউশীং অদুগী অরুম্বা হন্থৈ। মপুং-মরৈ ফারবা য়েনশীংদদি, য়েরুম কোকপগী চাং হন্থখিবা (চাদা 5দগী 20 ফাউবা) অসিখক্তনা, উবা ফংবা ক্লিনিকেল সাইন ওইবা য়াই। অদুম ওইনমক, মরুম কোকলিবা য়েন কাংবুশীংদদি, ভাইরস অসিনা য়েরুমদা লৌনখিবা মরম্না, য়েনবীশীং অদুনা ইম্যুনিটি দিভেলপ তৌরক্ত্রিফাউবা য়েরুম কোকপা ঙম্বগী চাং হন্থরকপসু উবা ফংলকপা য়াই। ক্লিনিকেল দিজিজ অসিদগী হিংহৌরবা য়েনশীংদা মতুং তাবা মতমশীংদা কেটরেক্টশীং লাকপা য়াই। লাইয়েং – লাইচৎ থোরক্লবদি লাইয়েং লৈতে। নারবা য়েনশীংদু লৌথোক্তুনা হাত্তোক্লগা মৈ থাদোক্কদবনি। নাবা ফগৎলবা য়েনশীংদি মশা খিংদে (unthrifty)। মসিবু থীংবা – মসিগী ভেক্সিন ফংই।. এগ দ্রোপ সিন্দ্রোম (Egg Drop Syndrome) য়েরুম কোকপা অমসুং য়েরুমগী ক্বালিটিদা লৈরকপা ইফেক্টশীং নত্তনা অতৈ ময়েক লাবা সাইন অমত্তা লৈতে। মশা-মউ ফরিবা মানবা য়েনবীশীংনা মকু পাবা অমসুং মকু য়াউদবা য়েরুমশীং কোকপা হৌরকই। লায়না অসিনা অমুকপু নাখ্রবদি, কন্দিসন অসিনা য়েরুম পুথোকপগী টার্গেট ফংবদা মায় পাকহন্দে। য়েরুমগী মকুদা অহোংবা লাক্ত্রিঙৈগী মমাংদা মতেক খরগী ওইবা দাইরিয়া অমসুং তন্থবগী থৌওং লৈগনি। মরুম কোকপা অমসুং মচা ওলহনবগী মপাঙ্গলদা অকায়বা লৈরোই। লাইয়েং – মসিগী মায়পাকপা লাইয়েং অমত্তা লৈতে। মতম-মতমগী ওইনা মতু কেনখিবনা (Induced molting) য়েরুম কোকপগী হান্নগী চাং অদু হঞ্জিনহনগনি। মসিবু থীংবা – মসিবু থীংবা হায়বসিদা অফবা বাইওসেক্যুরিটি প্রোগ্রাম অমা চংই। ফাউল কোলেরা মহৌশানা ফাউল কোলেরা (Fowl Cholera) অসিনা চয়োল 6তগী হেল্লবা য়েনশীংদা শোকহল্লি। অতেনবা মতমগী লাইচৎশীংদদি, অশীবা য়েনশীং অসিনা অহানবা খুদম ওইবা য়াই। নিংথম চনবা, মচিঞ্জাক চাবা হন্থরকপা, মচিন্দগী মনপ তাবা, মতু পোনবা, দাইরিয়া অমসুং শ্বর ৱানা হোনবা উবা ফংবা য়াই। লায়না অসিনা হেনজিল্লকপগা লোয়ননা য়েনশীংগী অরুম্বা মাংলকই, শরু তাং ইনফেক্সন লৈরকপদগী মখোংদু চৎপা ঙম্লক্তে, অমসুং এয়র পেসেজশীংদগী পোৎশকশীং থোক্লকপদা মখোন থোরকই। ফাউল কোলেরা অসিনা ক্রোনিক (মতম শাংনা নারকপা) ওইরকপা মতমদা, য়েনশীংদা মতোক্তা নাই ওমখৎলকই অমসুং শরু তাংশীং অমসুং খোংপাক্তা পোমখৎলকই। মশা ফরোইদবা পোৎশকশীং শ্বর হোন্দোরকপনা মমিৎকী অকোয়বদা সাইনস লৈরকপা য়াই। টর্কিশীংদদি মঙক লৈশিনবগী মওং লৈবা য়াউই। লাইয়েং – য়েন কাংবু অমবু, লাইচৎ অমনা থোকহল্লকপা অশি-অনাশীং থীংনবা সলফা দ্রগ অমা (সলফোনামাইদ, মরুওইনা সলফাদাইমিথোক্সিন, সলফাক্যুইনোনক্সালিন, সলফামিথাজিন, অমসুং সলফাক্যুইনোক্সালিন) পীথকপা নত্ত্রগা টিকা থাদোকপা য়াই, নত্ত্রগা অনিমক পাংথোকপা য়াই। অদুম ওইনমক, খংজিনগদবা অমদি, সলফা দ্রগশীং অসি, চয়োল 14গী মথক্কী নত্ত্রগা কমর্সিএল ওইনা য়েরুম কোক্লিবা ময়াই ওইনা চাউরবা য়েনশীংদা শিজিন্ননবগীদমক্তদি FDA না এপ্রুভ তৌদে। সলফা দ্রগশীংনা চানবা শা অমসুং য়েরুমশীংদা লেমহৌখাক (residues) থমগল্লি। এন্টিবাইওটিকশীং শিজিন্নবা য়াই অদুবু লাইচৎ লেপহন্নবা হেন্না ৱাংবা লেভেল অমসুং অশাংবা মতমগী ওইবা হিদাক-লাংথকশীং মথৌ তাবা য়াই। মসিবু থীংবা – ফাউল কোলেরাগী লাইচৎ লৈবা ফার্মদা, ভেক্সিন কাপথোকপা হায়বসি খ্বাইদগী ফৈ। নহাক্না ফার্ম অদুদা প্রোব্লেম অমা হেক লৈত্রিবা ফাউবা ফাউল কোলেরাগিদমক ভেক্সিন কাপকনু। মতুং অমুক লাইচৎ থোরক্তনবা উচি কন্ত্রোল (Rodent control) তৌবা হায়বসি তঙাইফদে। ওমফেলাইটিস মসিনা নারবা য়েনশীংদা এক্সটরনেল নেভেল ইনফেক্সন, অচৌবা চুপশিন্দবা য়েরুম মমুৎকী শরুক, য়াম্না নমথীবা মনমগা লোয়নবা পেরিটোনাইটিস, নেভেলগী মনাক নক্না মচুম তাবা, বোদিগী মবুক্কী শরুক্তা উনশা পোমখৎপা (oedema of the skin), সেপটিসেমিয়া অমসুং দিহায়দ্রেসন লৈবা য়াই। লাইয়েং – ওমফালাইটিস (Omphalitis)কী অকক্নবা লাইয়েং অমত্তা লৈতে। মসিনা নারবা য়েন অয়াম্বদি পোকপা নুমিৎ খরনিগী মনুংদা শি। মসিবু থীংবা – ইফেক্টিভ ওইবা মরুম কোকপগী সেনিটেসন, মরুম কোকফম শেম্বগী প্রোসিজর, ব্রিদর ফ্লোক সর্ভিলেন্স, অমসুং মচা কোলহন্দ্রিঙৈ মমাংদা মওং চুম্না য়েরুম হাপ্পগী খুত্থাংদা প্রিভেন্সন লৌখত্তুনা কন্ত্রোল তৌবা য়াই। অশোনবা য়েন্নাউশীংদি (Mushy chicks) মরুম কোনফমদগী লৌথোক্কদবনি। পুল্লোরম (Pullorum) লায়না অসিনা নারবা য়েন্নাউশীংদি মচা ওল্লবা মতুং নুমিৎ 5দগী 7 ফাউবগী মনুংদা শিবা হৌই অমসুং মথংগী নুমিৎ 4দগী 5 ফাউবগী মনুংদা শিবগী চাং মতোন লোম্মী। পুল্লপ তাশিন্দুনা লৈবা, মঙক পুবা ঙমদবা, দাইরিয়া, মশা শোন্থবা, অনংবা মহি ফায়বা, শ্বর হোনবা ৱাবা, অমসুং করিগুম্বা মতমদা অশংবা মহি চেনবা ঙৌরোক ঙৌবা অমাংবা অসিনচিংবসি ক্লিনিকেলগী ওইবা খুদমশীংনি। মসিনা শোকহল্লবা য়েনশীংদি চাউজন থী মরমদি মখোয়সি চাগন্দে। মসিদগী হিংহৌবশীং অদু ওভেরিদা ইনফেক্সন লৈবগা লোয়ননা এসিম্পতোমেটিক কেরিয়র (লাইওং উত্তনা লায়না চেনবা)সু ওইরকই। লাইয়েং – লাইয়েং অসি য়েন কাংবু অদুখক্কী ওইগনি। সলফোনামাইদ, এন্টিবাইওটিক অমসুং এন্টিবেক্টেরিএল কয়ানা শিবগী থৌওং হন্থহনবদা কান্নৈ, অদুবু মখোয় অমত্তনা য়েন কাংবু অদুদগী লায়না অসি মপুংফানা মাংহনবদি ঙমদে। মসিবু থীংবা – পুল্লোরমগী লাইচৎ অসি লায়না অসি মপুংফানা মাংহনবগী য়ুম্ফম (eradication basis) অমনা হেন্দল তৌই। পুল্লোরম-ফ্রি ওইরে হায়বা খংদোক্নবগীদমক ব্রিদর রিপ্লেসমেন্ট ফ্লোকশীং প্রদক্সন হৌদ্রিঙৈগী মমাংদা টেষ্ট তৌথোক্কদবনি। নেক্রোটিক এন্টরাইটিস য়াংনা চাউখৎলক্লিবা চহি নৌরিবা য়েনশীং, মরুওইনা চয়োল 2দগী 12 ফাউবগী মনুংদা লৈবা য়েন্নাউশীং অসি খ্বাইদগী হেন্না চেক্সিন্নিংঙাই ওই। অহৌবদা, চাবগী চাং হন্থরকপগা লোয়ননা অমুবা, ঈ য়াউবা অমাংবশীং উবা ফংই। লায়না অসিনা নারবা য়েন্নাউশীংদা দাইরিয়া তৌগল্লি। মতম শাংনা নারক্লবা য়েনশীংদি ময়াং কংলকই। য়েন মশা, ইন্টেষ্টাইনশীং অমসুং অমাংবশীংদা নমথীবা মনম অমা চেল্লি। লাইয়েং – নেক্রোটিক এন্টরাইটিস (Necrotic Enteritis) থোকহল্লিবা ক্লোষ্ট্রিদিয়া বেক্টেরিয়া অসি বেসিত্রাসিন, নিওমাইসিন অমসুং তেত্রাসাইক্লিন হায়রিবা এন্টিবাইওটিকশীং অসিদা সেন্সিটিভ ওই। অদুম ওইনমক, পেনিসিলিন, ষ্ট্রেপটোমাইসিন অমসুং নোভোবাইওসিনগুম্বা এন্টিবাইওটিকশীং অসিসু ইফেক্টিভ ওই। বেসিত্রাসিন অসি নেক্রোটিক এন্টরাইটিস কন্ত্রোল তৌবদা খ্বাইদগী কমন ওইনা শিজিন্নবা হিদাকনি। মসিবু থীংবা – প্রিভেন্সন অসি সেনিটেসন, হজবেন্দরি অমসুং মেনেজমেন্টদা য়ুম্ফম ওই। ষ্টেফাইলোকোকস (Staphylococcus) ইনফেক্সনশীং অসি সেপটিসেমিয়া (অতেনবা মতমগী ওইনা), অরথ্রাইটিক (অশাংবা মতমগী ওইনা) অমসুং বম্বলফুট (bumblefoot) হায়রিবা মওং অহুম অসিদা থোরকই। সেপটিসেমিয়াগী মওং অসি ফাউল কোলেরাগা মান্ননা উই অমদি মসিনা শোকহল্লবা য়েনশীং অদু মশা খিং-খিং লাউদে, চানিং-থক্নিংবা পোক্তে, নিংথম চনগল্লি অমসুং লেং-ওৎপা মতমদা নাবা উৎলি। য়েরুমশীংদা (মহিক অদু য়েরুমদা চংখি) মুনা পুম্লকপা উবা ফংই। লায়না চেল্লবা য়েনশীংদা মনম নমথীবা মহি লাংবা দাইরীয়া লৈরকই। মখোয় কয়াগী শরু তাংদা পোমখৎপা (অরথ্রাইটিস) উবা ফংই অমসুং য়েরুম কোকপগী চাং হন্থখি। অরথ্রাইটিসকী মওং অসি এক্যুটকী মওং অসিগী মতুংদা লাকই। য়েনশীংদা মখোংনা চৎপা ঙমদবা অমসুং থবাক্তা ঈশীং হান্দুনা পোমখৎপগী লাইওংগা লোয়ননা লেং-ওৎপদা নাবা ফাউবা উবা ফংই। য়েনশীং অদু চৎপা পাম্লক্তে, অমসুং লেপ্পগী মহুত্তা ফম্বনা হেন্না পাম্বা উরকই। বম্বলফুট অসি খোংদা নাবা ক্রোনিক ইনফেক্সন অমনি, অমসুং মসি থীন্দৎ-খোত্তৎপগী অশোকপশীংনা (puncture injuries) থোকহনবনি হায়না খন্নৈ। পোমখৎপা খোংপাকশীংনা মরম ওইদুনা য়েন অদু চৎপা ঙম্লক্তে। লাইয়েং – নোভোবাইওসিন (350 g/ton) অসি মচিঞ্জাক্তা হাপতুনা নুমিৎ 5দগী 7 ফাউবা পীজবা য়াই। এরিথ্রোমাইসিন অমসুং পেনিসিলিন অসি ঈশীংদা য়ান্দুনা নুমিৎ 3-5 পীথকপা নত্ত্রগা মচিঞ্জাক্তা (200 g/ton) হাপ্তুনা নুমিৎ 5নি পীজবা য়াই। অতৈ এন্টিবাইওটিকশীং অমসুং দ্রগশীং অসিদি করিগুম্বা মতম খরখক্তদা ইফেক্টিভ ওইবা য়াই। মসিবু থীংবা – অশোক-অপন থোকহনগদবা পোৎ-চৈশীং লৌথোক্কদবনি। মতম শাংনা নারক্লবা য়েনশীং তোখায়না থমগদবনি। ন্যুত্রিসন বেলেন্স ওইবা মচিঞ্জাক পীজগদবনি। মেনেজমেন্টকা মরি লৈনবা প্রোব্লেমশীং ন্যুত্রিসনগী ওইবা প্রোব্লেমশীং অফবা কমর্সিএলগী মচিঞ্জাক অমনা শেম্বা মরাং কায়বা দাইট অমা পীজরবা য়েনশীংদি, করিগুম্বা দাইরিয়াগুম্বা লায়নাশীং নত্ত্রগা দাইজেষ্টিভ সিষ্টেমদা অকায়বা থোকহনবা অহেনবা ফেক্টরশীং লৈত্রবদি মখোয়দা ন্যুত্রিসনগী ওইবা প্রোব্লেমশীং লৈরক্নিঙাই ওইদে। ষ্ট্রেস ষ্ট্রেস (stress)কী মওং অমহেক্তনা লাইচৎ অমা থোকহল্লকপা য়াই, নত্ত্রগা মহৌশানা প্রোব্লেম অমা নত্তবা লায়না পোকহনবা ঙম্বা ওর্গানিজম অমনসু য়েন অমদা লায়না পোকহল্লকপসু য়াই। লায়না অমহেক্তনা ষ্ট্রেস লৈহনগনি, অমসুং মসিনা অতোপ্পা লায়নাশীং চংশিল্লকপগী ওইথোক্নিংঙাই হেনগৎহনগনি। ষ্ট্রেস অদুনা মরম ওইদুনা ইম্যুন সিষ্টেমনা লায়না অদুনা লান্দারকপদা লাকশিনবা ঙমহন্দবা য়াই। কেনিবালিজম অমসুং ফিদর পিক্কিং (মশেল চাথোক্নবা অমসুং মতু লৌথোকপা) কেনিবালিজম (মশেল চাথোক্নবা) অসি য়েনশীং চগুংননা থম্বা মপৈশীংদা মরুওইনা থোক্কনবা প্রোব্লেম অমনি। মসিনা অশোক-অপন থোক্লকপা মতমদা পাক-চাউনা অশি-অনা থোকহল্লি। অমগা অমগা তোইনা চিক্নরবা য়েনশীং অদুদা ষ্ট্রেস লৈরকপা মরম্না মসিনা য়েরুম পুথোকপগী চাং হন্থরক্নবা মচাক ওইরকই। য়েন খরদি অতৈদগী হেন্না কেনিবালিজমদা খোং থাংজিল্লকপগী ওইথোকপা লৈ। প্রোব্লেম অসিবু থোকহল্লক্লিবা মরম কয়ামুক লৈ, মখোয়দুগী মনুংদা মতিক চাবা ভেন্টিলেসন/ মকোন য়াউদনা হিট (শাবা) অমসুং তুম্ফম মকোন অদু মতিক চানা মমদবা/ কৃক কৃক ইন্ননা লৈবা/ য়েনশীং কুংবগী চাং হেনবা/ এক্সরসাইজ/ মচিঞ্জাক অমসুং ৱাৎপা/ ঈশীং থাফম পাত্র অদু অমগা অমগা কা হেন্না নক্নবা নত্ত্রগা য়ামদবা/ এক্সটরনেল পেরাসাইটশীংনা য়েন অমবু মশামক্কী মতুশীং লৌথোক্তুনা ঈ চিংথোকহনবগী থৌওং অসি উবা ফংই। মসিনা অতৈ য়েনশীং অদু এরিয়া অদুদা তাশিন্দুনা লৈনিংহনবা য়াই। সোর্স: সেন্ত্রেল এগ্রিকলচরেল য়ুনিভর্সিটি ফার্ম মেগাজিন