ৱাহৌদোক ওক্কী ফার্ম তৌবা অসিনা খ্বাইদগী নেম্বা সমাজ-শেনমিৎলোনগী থাক্তা (socio-economic strata) লৈবা খুঙ্গংগী লায়রবা মীওইশীংগী হিংনবগী পাম্বৈ ওইরি অমসুং মখোয়না হেন্না ফবা ফাউন্দেসন ষ্টোক, মতিক চাবা থম্ফম মকোন, মচিঞ্জাক অমসুং অতৈ মেনেজমেন্টগা কোন্নবা সাইন্টিফিক পিগ ফার্মিং (বৈজ্ঞানিক ওইবা মওংদা ওক লোয়বা) পায়খৎনবগী পাম্বৈ লৈতে। ভারত্তা, ওক লোয়বগী থবক অসি মরুওইনা নোর্থ ইষ্টর্ন রিজন্দা (NER) লৈবা শোত্থরবা ত্রাইবেল কাংলুপ অমসুং সমাজগী হন্থবা মীওই কাংলুপশীংগী মরক্তদি য়াম্না পাক-শন্না উবা ফংই। মসিগীসু মথক্তা, ওক্কী ফার্মিং অসি ইন্টিগ্রেটেদ ফার্মিংগসু য়াম্না চানৈ অমসুং ইন্টেন্সিভ ক্রোপ প্রদক্সন প্রোগ্রামগসু কমপ্লিমেন্টরি ওইনৈ। ওক পুত্থোকপগী চাং হেনগৎহনবগী ওইথোকপা অসি NERদা য়াম্না চাউনা লৈ, মরমদি NERদা দিফিসিট অমা লৈরিবসি ত্রেদিসনেল ওইবা মওংদা লোয়বা হায়বদি, লোকেলদা ফংবা মচিঞ্জাক অমসুং অমাং-অশোয় পীজবা, মওং চুম্না মচা পোকহন্দবা, ধারা ফত্তবা ওক মরাং কায়না লৈবা অমসুং মতম পুম্বদা অফবা ধারাগী ওক ফংদবসিনসু হিরম অসিদা নুংনাংনিঙাই ওইহল্লি। ওক্কী ধারা খনবা হৌজিক্কী ওইনা লমদম অসিদা তোঙান-তোঙানবা ওক্কী ধারাশীং ফংই, মখোয় অদুদি, নন-দেস্ক্রিপ্ট (non-descript), হাম্পশায়র অমসুং মখোয়গী ক্রোস ব্রিদশীং (য়ান্নবা ধারাশীং) অসিনি। খনবগী মওং অসি কঞ্জ্যুমর অদুনা পাম্বা, চাউগনবগী চাং অমসুং মিট (শা)গী ক্বালিটি অসিদা য়ুম্ফম ওই। খুদম ওইনা, উনশা মুবা ওকশীং অসিনা অতৈ ওকশীংদগী হেন্না পাম্নৈ। অদুম ওইনমক, NEH রিজনগী ICAR রিসর্চ কমপ্লেক্সনসু হাম্পশায়র ব্লদগী চাং চাদা 50, 75, অমসুং 87.5 য়াউবা হেন্না ফবা মখলগী ওকশীং দিভেলপ তৌরে অমসুং চাউরৈ কনবগী চাং হেনবা, মিট ক্বালিটি অমসুং লায়নাদগী ঙাকথোকচনবগী কেপাসিটি ৱাংবা মরম্না লমদম অসিগসু খ্বাইদগী চান্নবা ওইরি। মরম অদুনা, ক্বালিটি লৈবা ওকশীং অসি অখংবা রিসর্চ অমসুং দিভেলপমেন্ট এজেন্সিশীং, ষ্টেট ভেটরিনরি দিপার্টমেন্ট, NGOশীং অমসুং অতৈ মচা লৌফম ফার্মরশীংদগী লৌবা তাই। মরুওইনা মরম অদুগী অঈং-অশাদা হৈনরবা ওকশীং খনবা মথৌ তাই। ব্রিদিং মেনেজমেন্ট (Breeding management) ফার্মরশীংনা তোইনা য়োক্নরিবা মফমদুগী ওইবা ওকশীং (Indigenous pigs) অসিদি নুপা (লাবা) অদুগী মগুন থোইদোক্না খল্লুবা লৈতনা লেপ্তনা মচা কোকই। মসিগী মথক্তা, অমোৎ-অকায় শেংদোকপা মতমদা, ব্রিদিং অদুসু কন্ত্রোল তৌদে। ওক্কী ইন্দষ্ট্রিগী প্রদক্টিভ ইফিসিএন্সি চাং নেমহনবগী মপুং ওইবা মচাক্তি রিপ্রদক্সন হায়বসিনি। মায়পাকপা রিপ্রদক্সন হায়বসি য়াম্না নক্না মরি লৈনবা ইভেন্ট কয়াগী পরেং অমগী ফলনি। অপীকপা ওক অমোমদু সেক্সুএল মেচ্যুরিটি য়ৌনবা য়াংনা চাউখৎপা, এষ্ট্রোস সাইকল (estrous cycle) ইনিসিএট তৌবা, ওভ্যুলেট তৌবা অমসুং ফর্টাইল ওইবা ওক লাবা অমগা হক্তিন্নবা নত্ত্রগা ফর্টাইল ওইবা সিমেন অদু কাপ্পা (inseminated) তাই। ওক অমোমনা ব্রিদ অমসুং ন্যুত্রিসন লেভেলগী মখা পোন্দুনা থা 8 দগী 10 ফাউবগী মনুংদা সেক্সুএল্লি মেচ্যুওর ওইরকই। অদুবু লোকেলগী ওকতি থা 5 দগী 6 ফাউবগী মনুংদা মেচ্যুওর ওই। এষ্ট্রোস সাইকলগী অশাংবসি চাংচত্তা চাউরাক্না নুমিৎ 21 (নুমিৎ 18 - 24) ওই। হক্তিন্ননিংবগী (heat) খুদমশীংদি লৈতাফম খংদবা, চানিং থক্নিংবা পোক্তবা, মখোল হৌবা হেনগৎলকপা, ময়ুং তোইনা হানবা, হকচাংথোং ঙাংনা লাউথোরকপা, অতোপ্পা অমোমশীংগী মথক্তা কাখৎপা, মমৈ থেক্কৎপা, ময়াংলেন থেক্তোকপা অসিনচিংবসিনি। করিগুম্বা অমোম অদু হক্তিন্ননিংবা ফাউরবদি মহাক্কী মনিংথংবা শরুক্তা (loin region) খুবাক অনিনা নম্বা মতমদা ওক অদু লেংদনা লৈগনি। ওকপী অদুগী এষ্ট্রোস সাইকল অমা নত্ত্রগা অনি লান্থোকহনবনা খ্বাইদগী হেন্না ফৈ অমসুং ওকপী অদুগী ফিজিকেল কন্দিসনগী মখা পোন্না অহুমশুবা সাইকলগী মনুংদা ব্রিদিং অদু পাংথোকপা য়াই। ওকপী অদুগী AIগী খ্বাইদগী ফবা মতমদি এষ্ট্রোস হৌরকপা মতুং পুং 15দগী 24 ফাউবগী মনুংদনি। করিগুম্বা ওকপী অদুদা ষ্টেন্দিং হিট অদু মখা তানা লৈরিবা ওইরবদি অনিশুবা নুমিৎ অদুদা মচা কাপকদবনি। করিগুম্বা অমোম অদুনা মবুক কংদ্রবদি, নুমিৎ 21নিগী মতুংদা মঙোন্দা হিট সিম্পটোমশীং অমুক হন্না লাক্কনি। মসি অমুক হন্না লাক্তবা অমোমশীং অদু মবুক কংলে হায়না লৌবা য়াই, অদুমকপু ভেটরিনরিয়ান অমগী মতেংগা লোয়ননা কনফার্ম/ দাইএগ্নোস তৌবা মথৌ তাই। মবুক কংলিঙৈ অমসুং মচা পোকপা মতমদা লৌখৎকদবা চেক্সিন থৌরাং মচা কাপ্লবা (breeding) মতুংদা, ওকপী অদু অকংবা তরু-তনানবা অমসুং হায়জিনিক ওইবা মকোন অমদা নুংঙাইগদবা মওংদা থম্বীগদবনি। মচা কাপ্লবা মতুং নুমিৎ 20নি রোমদি এষ্ট্রোস হল্লক্ত্রব্রা অমসুং মবুক কংলব্রা হায়বগী অরেপ্পা খংদোক্নবা কুপ্না য়েংশিনবা তাই। মবুক কংবী ওকপী অদু তরু-তনানবা মচা পোকফম মকোন অমদা মচা পোক্ত্রিঙৈ চয়োল 3 গী মমাংদা হোংজিন্দুনা থম্বীগদবনি। অকংবা চরু/ ইনা শেম্বা পোত্থাফম অমা মকোন্দুদা শেম্বীগদবনি। মবুক কংবী শা অদু তোঙান্না মথন্তা পীজগদবনি। অয়াম্বা কেসশীংদদি মচা পোকপা মতমদা মতেং চংগন্দে। নৌনা পোক্লকপা ওক মচাশীংদু এক্টিভ ওই অমসুং মিনট অনিগী মনুংদা ওক মচা খুদিংমক্না খোমজিন অমদা চুপ্তুনা শঙ্গোম থক্নবা হোৎনরক্কনি। করিগুম্বা মতমদা নৌনা পোক্লকপা ওক মচাশীংদা শ্বর হোনবসি (respiration) থেংথবা য়াউই। ওক মচা অদুদা রেস্পিরেটরি এক্টিভিটি লৈহন্নবগীদমক মনাতোন অমসুং মচিন্দগী ম্যুকস (mucous) অদু লৌথোক্কদবনি। খরা শোনবা ওক মচাশীংদি অহানবা শঙ্গোম (কোলোষ্ট্রম) চিংবা ফংহন্নবগীদমক্তা খোমজিনদু চুপহনবদা মতেং পাংবীগদবনি। খ্বাইগী অকোনবগী ওক মচাদু পোকপা লোয়রবা মতুং, দেলিভরিগী মতমদা প্লাসেন্টা (নাউফম) অদু সিঙ্গল মাস ওইনা মপান থোরকপা য়াই। নৌনা পোক্লকপা ওক মচাশীংদু মচা পোক্লিঙৈ অমসুং মনুংদা নেৎখায়দনবা চেক্সিনবা তাই। মচিঞ্জাক পীজনবগী পায়খৎপা থৌওংশীং ওকশীংগী গ্রোথ অমসুং মোর্টেলিটি (চাউখৎপা অমসুং শিবা) হায়বসি মখোয়গী পীজ-পীথকপগী মখা য়াম্না পোল্লি। ওক হায়বসি মচিঞ্জাকপু মিটতা ওন্থোকপদা খ্বাইদগী হেন্না ইফিসিএন্ট ওইবা শানি। ওক্কী ফার্ম অমগী অপুনবা প্রদক্সন কোষ্টগী চাদা 70দগী 75 রোমদি মচিঞ্জাক্তা চংবা শেনফম অসিনি। মহৌশানা ফার্মরশীংনা শেল চংহন্দনা চাকখুমগী অরেম-অপা অমসুং চেংকুপ-ৱাইকুপখক পীজদুনা ওক লোয়বা পাম্নৈ। অদুম ওইনমক, মখোয় অসিখক্তং পীজবনা অপাম্বা মশাগী অরুম্বা অমসুং অতৈ প্রদক্সন নোর্মশীং ফংবা ওইথোক্তে। মরম অদুনা, শাশীং অসিদা শেল চংদবা অদুবু গ্রোথ অমসুং লাইফপু সপোর্ট তৌনবগী মথৌ তাবা ন্যুত্রিএন্ট পুম্নমক য়াউবা বেলেন্স ওইবা মচিঞ্জাক পীজবা হায়বসি য়াম্নমক মরুওই। মহৌশানা মচিঞ্জাক পীজবগী মখল অনি উবা ফংই। মখোয় অদু মখাগীসিনি। তোঙান-তোঙানবা মচল য়াউবা পুন্সিল্লবা মচিঞ্জাক (Concentrated feed)। লোকেল ওইনা ফংবা অতৈ এগ্রো-ইন্দষ্ট্রিএল বাই-প্রদক্টশীং, স্বিট পোটেটো, টেপিওকা, কোলোকেসিয়াগুম্বা ট্যুবর ক্রোপশীং, মনা-মশীং অমসুং চাকখুমগী অরেম-অপা অসিনচিংবগা য়ানশিন্নরবা পুন্সিল্লবা মচিঞ্জাক। তোঙান-তোঙানবা কেটেগোরিশীংগী ওকশীংগী মচিঞ্জাক পীজবগী ফোর্ম্যুলা মচলশীং ৱিনর (18-20%) প্রোটিন গ্রোৱরস (15-17%) প্রোটিন ওকপী/ ওক (14-16%) প্রোটিন 12শুবা চয়োলদগী য়োনবা য়াবগী চহি ফাউবা থা 9-12 চুজাক 55 58 60 15 লৈবাক হৱাইগী কেক 17 15 8 30 গেহুগী চেং 20 20 25 20 তকথোক্লবা ফৌ - - - 10 ফিস মিল/ সোয়া মিল 6 5 5 5 মিনরেল মিক্সচর 1.5 1.5 1.5 1.5 থুম 0.5 0.5 0.5 0.5 অপুনবা 100 100 100 100 মথক্তা পীরিবা মচিঞ্জাকশীং অসি পীজবা ঙমদবা খুঙ্গংদা লৈবা লায়রবা অমসুং শোত্থরবা ফার্মরশীংনা, স্বিট পোটেটো (60%), প্রোটিন সোর্স, ভিটামিন অমসুং মিনরেলশীং অসি মখোয়গী ওকশিংদা পীজবা য়াই। মসিগী মথক্তা, ওকশিং অসিবু মনা-মশীংগী, চাকখুমগী অরেম-অপা অমসুং য়ু শুংবগী অরেম-অপাশীংগা লোয়ননা থাকপীবসু য়াই। পীজনবা অফবা মচিঞ্জাক অমা হায়বসিদা থক্নবা ঈশীং মরাং কায়হনবগা লোয়ননা শাগী অরুম্বদুগা চান্ননা মথৌ তাবা ন্যুত্রিএন্টশীং য়াউহনবা তাই। পার্টিকুলরশীং বোদিগী অরুম্বা 10গী মখা 10-20 20-30 30-60 60গী মথক গ্রোথকী ষ্টেজ ক্রিপ গ্রোৱর গ্রোৱর দিভেলপর ফিনিশর মথৌ তাবা প্রোটিনগী লেভেল % 20 18 16 16 13 নোংমদা মথৌ তারিবা পুন্সিল্লবা মচিঞ্জাক (কেজি) 0.5 1 1.5 2 2.5 মবুক কংলিবী (নাউপুরিবী) শাশীংদা মচিঞ্জাক পীজবা মবুক কংবনা (নাউপুবনা) মথৌ তাহল্লকপা অমসুং শঙ্গোম থোকহন্নবগীদমক তুংশিনবা মথৌ তাবা ন্যুত্রিএন্টশীং অসি মবুক কংবগী অকোনবা ষ্টেজদা হেনগৎলকই। মথৌ হেন্না তারক্লিবশীং অসি প্রোটিন, ভিটামিন অমসুং মিনরেলশীংনি। মবুক কংলিঙৈ মতমদা মপুং-মরৈ ফারবা য়ুমদা লোয়বা ওকশীংনা কেজি 30 - 35 ফাউবা অমসুং ফার্মগী ওকপীশীংনা কেজি 40 - 45 ফাউবা লুম্বা হেনগৎলি। ওকপীশীং অদুবু কা হেন্না নোয়খৎপা নত্ত্রগা কংবগী থৌওং লৈহন্দনবা মচিঞ্জাকশীং অদু চাং অমদা পীজগদবনি। মখোং হাম্বা য়ানবা মচিঞ্জাক্কা (laxative feed) লোয়ননা মচিঞ্জাক খরখক্তমক মচা পোক্ত্রিঙৈগী হেক মমাং অমসুং পোক্লবা মতুংদা পীজগদবনি। ওকপী অদু নুমিৎ 10 নি লৈরগা মপুং ফানা পীজবা য়ারে। অশং-অমান মরাং কায়না পীজবা য়াই। মচিঞ্জাক অসি বোদি ৱেইট কেজি 100গী ওইনা কেজি 2.5 - 3 ফাউবা, ওক মচাদুগী মচিঞ্জাক কেজি 0.2গী চাংগা লোয়ননা পীজবা য়াই। মতৌ অসুম্না, ওক মচা 8গা কোন্নবা কেজি 100 লুম্বা ওকপী অমনা নোংমদা মচিঞ্জাক কেজি 4.6 চাবা য়াই। ওক মচাশীং অদু ক্রিপ ফুদ কৌবা অখন্নবা মচিঞ্জাক অমা তোঙান্না পীজবীবা য়াই। ক্রিপ ফিদিং ওক মচাশীংদা তোখায়বা মকোন অমদা মখোয়গী মমাদগী লাপ্না থমদুনা মশা মথন্তা মচিঞ্জাক চাহনবগী থৌওংবু ক্রিপ ফিদিং (creep feeding) হায়না খংনৈ। ক্রিপ ফিদ অসি ওক মচাশীং অদুনা চয়োল অনি শুরক্লবা মতমদা পীগদবনি। মশা-মউ ফবা অমসুং খিংবা ওক মচাশীংনা চয়োল 8 য়ৌদ্রিঙৈগী মমাংদা মচিঞ্জাক কেজি 10 রোম চাবা য়াউ অমসুং চাখিবা মচিঞ্জাক অসিগী মনুংদা শরুক অহুম থোকপগী অনিদি চয়োল 6 তগী 8 ফাউবগী মনুংদা চাই। মমা-মপা লৈতবা ওকশীং (Orphan pigs) ওকপী অমনা শীখ্রবা নত্ত্রগা শঙ্গোম থোক্তবা নত্ত্রগা মহাক্কী ওক মচাশীং অদু লৌশিন্দবগী মওং লৈরক্লবদি, ওক মচাশীং অদুবু অথুবা মতমদা মমা শাবী অমগী (a foster mother) মনাক্তা পুশিনগদবনি। ওকপী খরদি অতোপ্পা মমা অমগী ওকশীংদু মখোম পীথকউ য়ারক্তবসু য়াই। অতোপ্পা মমা শাবী নত্ত্রগা মখোম থোক্লিবী ওকপী অমগী মনাক্তা ওক মচাশিংদু পূশিনবা মতমদা মখোয়গী মনম অমসুং চাউ-শাংবা য়াউনা মখোয়গী কন্দিসনশীং কুপ্না য়েংশিনগদবনি। করিগুম্বা মখোম থোকপী মমা অমা ফংদ্রবদি ষনগী শঙ্গোম অসিনা ওক্কী শঙ্গোমগী খ্বাইদগী ফবা মহুৎনি। বটরমিল্ক নত্ত্রগা স্বিট স্কিম মিল্ক অসিসু শীজিন্নবা য়াই। ওক মচা অমনা নোংমদা শঙ্গোম মিলিলিটর 300 - 500 থকপা য়াই। অহানবা চয়োল খরদি নোংমদা 5 - 6 ফাউবা পীথক্তুনা অমদি তপ্না তপ্না নোংমদা 2 - 3 ফাউবদা হন্থহল্লক্তুনা খ্বাইদগী ফবা রিজল্ট ফংবা ঙমগনি। ওক মচাশীং অদুনা মচিঞ্জাক চাবা হৌদ্রিবা ফাউবা মখোয়না থক্লিবা ক্বান্টিটি অদুগী শরুক অনি নত্ত্রগা অহুমগী ষ্টেন্দর্দ ভিটামিন প্রিপারেসন অমা শেমদুনা পীথকপা য়াই। ইঞ্জেক্সন ওইনা পীবা য়াবা আইরনগী প্রিপারেসন (খুদম ওইনা, ইমফেরোন) অমা পীবা য়াই। ৱাট 60গী ইলেক্ত্রিক বল্ব অমনা পোকপা কুইদ্রিঙৈ মতম শরুক অদুদা মখোয়বু মতিক চানা শানা থম্বা ঙমগনি। ফ্লশিং ফ্লশিং (Flushing) হায়বসি পোক্কদৌরিবা ওক মচাশীং চাউবা হেলহন্নবগীদমক ওকপীশীংদা ব্রিদিংগী মমাংদা পীজ-পীথক হেনগৎহনবগী মেথদনি। ব্রিদিংগী মমাংদা মখোয়গী ওভ্যুলেসন রেট হেনগৎহন্নবগীদমক ওকশীংদা অফবা গ্রোৱর রেসন অমা নুমিৎ তরেৎনিদগী তরানি ফাউবা পীজৈ। ব্রিদিংগী মতুংদা শাশীংবু লিমিত লৈবা অদুবু ফজনা বেলেন্স তৌরবা রেসন অমা প্রেগনেন্সিগী অকোনবা চয়োল তরুক অদুদা পীজবীগদবনি অমসুং প্রেগনেন্সিগী কমপ্লিকেসন লৈহন্দনবগীদমক ফুল ফিদিং (মপুং ফাবা মচিঞ্জাক পীজবা) মখা চত্থগদবনি। মকোনদা থম্বা মচিঞ্জাক নত্ত্রগা অতৈ মথৌ তাবশীং পুথোক-পুশিন তৌবদা চাদিং হন্থহন্নবা অমসুং মার্কেটিংগী খুদোংচাবা ফংনবগীদমক, ওক্কী ফার্ম অদুগী মফম খনবা মতমদা য়ারিবমখৈ সহর/ সিটিগী মনাক নকপদা খনগদবনি। নোং, নুংশিৎ, নোংলৈ অমসুং নুংশাগী মঙাল, অঈংবা অমসুং কা-হেনবা অঈং-অশাদগী ঙাকথোক্নবগীদমক শাশীং অসিগী মকোন থম্ফম অসি য়াম্না মরুওই। ওক্কোন অদু লোকেলদা ফংবা মেটরিএলশীং হায়বদি, উপাক, উয়ুং, ৱা, চরু-ইনা শাবা য়াই নত্ত্রগা মকোনশীং অদু চেক্না, RCC পোষ্ট অমসুং গেলভানাইজ আইরন/ এসবেষ্টোজ শিট রুফিংগা লোয়ননা শাবা য়াই। ফ্লোর অদু কোম্না চামথোকপা য়ানবা অমসুং হায়জিন লৈনা থম্নবগী মীৎয়েংদা বিলাটিমাটিনা শেমগদবনি। ওক অসি সিষ্টেম অনি অমসুং ইন্দোর সিষ্টেমগী মখাদা থম্বা য়াই। অনিমক পুন্সিনবা মওংসু শাবা য়াই। শাশীং অসিবু শেন্নবদা ওপনা এয়র সিষ্টেমদগীদি ইন্দোর সিষ্টেমদনা হেন্না কোম্বা হেল্লি। অদুম ওইনমক, ওপন এয়র সিষ্টেমদদি শাশীংগীদমক অহেনবা এরিয়া মথৌ তাই অমদি মসি মরুওইনা NE রিজন অসিদদি লিমিটেসন লৈ। মখা তানা ওপন এয়র সিষ্টেমদদি, লায়নাশীং চেল্লক্নবগী ওইথোকপা অসি ইন্দোর সিষ্টেমদগী হেল্লি। তোঙান-তোঙানবা কেটেগোরিশীংগী শা খুদিংমক থম্নবগীদমক মিনিমম ওইবা ফ্লোর স্পেস অমগী মথৌদি তাই। ওক্কী তোঙান-তোঙানবা কেটেগোরিশীংগী ফ্লোর স্পেস কেটেগোরি কোভর তৌরিবা এরিয়া/ ওক অমদা (স্কুয়ার ফিট) ওপন স্পেস/ ওক অমদা (স্কুয়ার ফিট) ৱিনর (মখোম খায়নরবা) 10-15 15-20 গ্রোৱর (ইনখৎলক্লিবা) 12-20 20-30 দ্রাই সো (মখোম থোক্তবী ওকপী) 20-30 30-50 লেক্টেটিং সো (মখোম থোক্লিবী ওকপী) 70-100 70-100 ওক লাবা 35-50 50-70 ওক্কোন শেম্বদা খংজিনগদবা মরুওইবা পোইন্টশীং মকোন অদু অকংবা অমসুং চুনবা মওংদা ঙমখৎপা লৈমায়দা শাগদবনি। ঈশীং তুংবা, চোৎ-চোৎ লাউবা অমসুং নোং কন্না তাশীনগদবা মফমদা শারোইদবনি। মকোন অদুগী নাকলগী ফক্লাংশীং অদু ফুট 4 - 5 ফাউবা ৱাংহনগদবনি অমসুং লেমহৌবা অৱাংবা অদুনা GI পাইপ নত্ত্রগা উগী পাইপশীং হাপকদবনি। ফক্লাংশীং অদু ঈশীং চংদনবা প্লাষ্টর তৌশিনগদবনি। য়ুমথক অদু য়ামদ্রবদা ফুট 8 - 10 ফাউবা ৱাংগদবনি। ওক্কোন অদু নুংশিৎ-নুংশা মতিক চানা চংহনগদবনি। ফ্লোর অদু পক্কা/ কলহনগদবনি, লৈতেম মান্নহনগদবনি, নালহল্লোইদবনি, অহো-অরাক লৈহল্লোইদবনি, মওং চুম্না ঙমথহনগদবনি (মিটর অমদা সেমি 3) অমসুং কংনা অমসুং নান্না লৈহন্নবগীদমক্তা দ্রেন মওং চুম্না পীগদবনি। ওক অমদা ইঞ্চি 6 - 12 ফাউবগী ওইবা মচিঞ্জাক থাফম পাত্র অমা পীগদবনি। মচিঞ্জাক থানবা পাত্র, দ্রেন অমসুং ফক্লাংশীং অদু কোম্না শেংদোকপা য়ানবা রাউন্দ ওইহনগদবনি। শা খুদিংমক্কী মতিক চাবা অহাংবা মফম পীগদবনি অমদি, মদু কোভর তৌরিবা এরিয়া অদুগী শরুক অনি ওইগদবনি। কালেন্থাগী মতমদা চুনবা উরুম অমসুং থক্নবা ঈশীং পীগদবনি। দিপ লিটর হাউসিং দিপ লিটর হাউসিং (Deep litter housing) হায়বসি ওক্কী মকোন মখল অমনি অমসুং মসিদা ওপন অমসুং কোভর তৌবা মখল অনিমক্তা ফ্লোর অদু উগী মকুম (sawdust)না ফুট 2 - 3 থানা থাদুনা শেম্মী অমসুং মসি নোং য়াম্না তাবা মফম অমসুং অৱাংবা অলটিট্যুটকী ওইনা য়াম্না চান্নৈ। ওক কুনফম অদুগী ফ্লোর অদু উকুমনা মরম ওইদুনা কংনা অমসুং লু-নান্না লৈ। ওক্কোন অদুনসু কালেন্থা অমসুং নিংথমথাদা হেন্না ফবা মাইক্রো-এনভাইরনমেন্ট অমা পীবগা লোয়ননা হেন্না ফবা ফিজিওলোজিকেল এদাপ্টেসনসু লৈহল্লি। মোদেল অসিনা কনভেনসনেল কনক্রিট ফ্লোর লৈবা ওক্কোন অমদগী শরুক 2 - 3 হেনবা মেন্যুওর (হার) পী। দিপ লিটর হাউসিংগী অহেনবা খুদোংচাবশীং দিপ লিটর হাউসিং অসি নোং য়াম্না চুবা অমসুং অৱাংবা অলটিট্যুটকী এরিয়াদা ফজনা চুন্নৈ। ওক্কোন অদুগী ফ্লোর অদু উকুমনা (sawdust) মরম ওইদুনা কংনা অমসুং লু-নান্না লৈ। ওক্কোন অদুনা কালেন্থা অমসুং নিংথমথা অনিমক্তা হেন্না ফবা মাইক্রো-এনভাইরনমেন্ট অমসুং হেন্না ফবা ফিজিওলোজিকেল এদাপ্টেসনসু পী। মোদেল অসিনা কনভেনসনেল কনক্রিট ফ্লোর লৈবা ওক্কোন অমদগী শরুক 2 – 3 হেনবা মেন্যুওর (হার) পী। লায়নাশীং অমসুং হেলথ কেয়র ওক্কী ফার্ম অমদা ইনগদবা হেলথ কেয়রগী থৌরাং অসি খ্বাইদগী মরুওইবা ফেক্টরশীংগী মনুংদা অমনি অমসুং করিগুম্বা মওং চুম্না ইন্দ্রবদি, ফার্মর অদুদা চাউনা মাংজবা লৈহনবা য়াই। ওকশীং অদুদা ইন্টরনেল পেরাসাইট, স্কিন ইনফেক্সন অমসুং অতৈ বেক্টেরিএল অমসুং ভাইরেল দিজিজ কয়ানা ইনফেক্সন লৈহল্লকপা য়াই অমসুং মসিনা মরম ওইদুনা চাউজন থীবা অমসুং ওক অদু শীহল্লকপা ফাউবা য়াই। মহৌশানা, ওকতা নাবসি তন্থরকপা, চানিং-থক্নিংবা পোক্তবা, লেং-ওৎলু য়ারক্তবা নত্ত্রগা তন্না চৎপা, মশাগী মউন্দু কনশিল্লকপা, কনষ্টিপেসন (মখোং হাম্বা য়াদবা) নত্ত্রগা দাইরিয়া লৈরকপা, মমিৎ উইরুম-উইরুম তৌবা, কুচু অমসুং মতু শেংদবা, অতৈদগী তোখায়না লৈবা অসিনচিংবগী থৌওংনা তাক্লকই। ওক মচা অদু থা অহুমগী মনুংদা অমুক্তি দিৱার্ম (তিন হাৎনবা হিদাক পীথকপা) তৌথোক্কদবনি। ওকতগী লাকপা তিনশীং (ৱার্মশীং)না মীওইবদসু ইনফেক্সন থোকহল্লকপা য়াই। NEH রিজনদা খ্বাইদগী তোইনা উবা ফংবা পেরাইসাইটিক দিজিজ খরদি এসকারিস, ষ্ট্রোংলি ইনফেক্সন, কোক্কিদিওসিস অমসুং মেঞ্জ মাইট ইনফেক্সন অসিনি। পিপরজিনগুম্বা হিদাকশীং অসি মচিঞ্জাক অমসুং ঈশীংদা 250 - 3 00mg/kg b.wtগী চাংদা, ফেনবেনদেজোল অসিনা মচিঞ্জাকতা (সিঙ্গল দোজ ওইনা) 5mg/kg b.wtগী চাংদা নত্ত্রগা আইভরমেকটিন অসিনা 0.3mg/kg b.wt (s/c) গী চাংদা পীজ-পীথকপনা ওক্কী পেরাসাইটিক ইনফেক্সন থেংনবদা য়াম্না মতেং ওই। মবুক কংলিবী ওকপী অদু মচা পোক্ত্রিঙৈ মমাংদা লাইয়েংবীগদবনি। ওকতা তোইনা উবা ফংবা অনাবা অমদি স্কিন ইনফেক্সন অসিনি অমসুং মসি হিক (lice), লৈশৌ (mites) অমসুং মা (ticks)না থোকহনবা য়াই। লৈশৌনা থোকহনবা মেঞ্জ (Mange) অসি মকোক, মনাকোং, মখোং অমসুং মমৈগী অকোইবদা থোক্লক্লবা মতুংদা মশাগী মফম পুম্নমক্তা শন্দোরকই। মা অমসুং হিকনা উনশাদা চিকই অমসুং ওকশীংনা হাক্কচদুনা মখোয়গী মশাদুদা খোৎলি। এক্সটরনেল পেরাসাইটশীংনা থোকহনবা স্কিন ইনফেক্সন অসিদি স্প্রে কাপ্তুনা লাইয়েংবা য়াই। ব্যুটোক্স - 1% সোল্যুসন স্প্রেদা, নত্ত্রগা দেলটামেথ্রিনগী চাং 50 - 75ppmদা (নুমিৎ 10 কান্নরগা অনিরক তৈবা), নত্ত্রগা আইভরমেকটিন চাং 0.3mg/kg b.wt (s/c)দা লুপ্পা নত্ত্রগা তৈবসি চাং নাইনা পাংথোক্কদবনি। পিগলেট দাইরিয়া, সালমোনেলোসিস, মাসটাইটিস অসিনচিংবা অতৈ লায়নাশীং অসি থোক্লকপা মতমদা ভেটরিনরিয়ানগা তান্নদুনা লাইয়েংবা য়াই। ওকশীংগী মরুওইবা লৌনগনবা লায়নাশীং ক্লাসিকেল স্বাইন ফিভর নত্ত্রগা হোগ কোলেরা: মসি ওকশীংগী খ্বাইদগী মরুওইবা অমসুং মাং-তাক্নিংঙাই ওইবা ভাইরেল দিজিজশীংগী মনুংদা অমনি। লায়না অসিনা য়ুমদা য়োকপা অমসুং লমলক্তা লৈবা ওকশীং অনিমক্তা মহৌশাগী ওইবা কন্দিসনশীংগী মখাদা শোকহল্লি। লায়না অসিনা নিংথম চনবা, উনশাদা মচেৎ-মচেৎ ওইনা মফম কয়াদা ঙাংশীল্লকপা (multiple generalized petechial) অমসুং একিমোটিক হেমোরেজশীংনা ভিসেরেল (visceral) অমসুং স্কিন লেজন (skin lesion) থোকহল্লি। মশা নিকপা, কোওর্দিনেসন লৈনদবা অমদি পেরালাইসিসকী লাইওং উৎলকই অমসুং মরক মরক্তা লাইওং অমত্তা উত্থোক্তনা শিবসু য়াউই। ব্রিদিং মমাং নুমিৎ 20 দগী 30নি ফাউবগী মনুংদা স্বাইন ফিভরগী ভেক্সিন কাপথোক্নবা ফার্মরশীংদা পাউতাক পীগদবনি। রেস্পিরেটরি দিসওর্দর/ ন্যুমোনিয়া: মসি পাষ্টরেলা (Pasteurella)না তোইনা থোকহল্লি, মসি ওকশীংগী মরুওইবা লায়না অমা ওইনা লৌনৈ। মসিনা নারবা ওকশীংদা, হৈনিংবা পোক্তবা, এনোরেক্সিয়া, নিংথম চনবা, লোক খুবা অমসুং হকথী খনবা, শ্বর হোনবদা ৱাবা, মীৎশাং কাবগী লোয়ননা মমিৎ ঙাংবগী লাইওংশীং উৎলকই। করিগুম্বা আইসোলেট তৌরবা বেক্টেরিয়াগী দ্রগ সেনসিটিভিটিদা য়ুম্ফম ওইদুনা চুনবা এন্টিবাইওটিক থারবদি লাইয়েং অসি হেন্না ইফেক্টিভ ওই। কোলিবেসিলোসি (পিগলেট দাইরিয়া): মসি এসকেরিচিয়া কোলাই (Escherichia coli)গী পেথোজেনিক ষ্ট্রেইনশীংনা থোকহল্লি অমসুং মসি মরুওইনা নৌনা পোকপা নত্ত্রগা নৌরিবা ওকশীংদা নাগনবা লায়না অমনি। লায়না অসিদা দাইরিয়া, রেস্পিরেটরি দিষ্ট্রেস অমসুং অরথ্রাইটিসকী লাইওং লৈ। মপুংফাবা সেনিটেসন, পোক্লবা মতুং অহানবা পুং খরগী মনুংদা কোলোষ্ট্রম অমসুং শঙ্গোম মরাং কায়না পীথকপা হায়বসি প্রোব্লেম অসি হন্থহনবদা য়াম্না মরুওই। অকক্নবা এন্টিবাইওটিক খরগা লোয়ননা ওরেল রিহায়দ্রেসন থেরাপি পাংথোকপা হায়বসি লায়না অসিনা নারবা ওক মচাশীংগীদমক য়াম্না কান্নৈ। মতিক চাবা হায়জিনগী পাম্বৈ ইন্দুনা অমসুং মতম চানা ওকশীংবু টিকা থাদোকপীদুনা অয়াম্বা লায়নাশীংনা নারকপদগী থীংবা ঙম্মী। লৌনগনবা লায়নাশীংনা নারবা শাশীং থম্নবা তোখায়বা মকোন অমা থম্বা তাই। অতৈ মেনেজমেন্টগী থৌওংশীং শাশীং লৌথোকপা: য়াম্না পীকপা সাইজগী প্রদক্টিভ ওইদবা নত্ত্রগা মচা পোকপগী মতম শাংবা, ব্রিদিং হন্না-হন্না পাংথোক্লবা, চহি য়াম্লবা, প্রদক্টিভ ওইদবা ওক লাবশীং লৌথোক্তুনা মিট লৌনবগীদমক য়োন্থোকখিগদবনি। ওক মচাশীং মশা শেমদোকপা (Castration of piglets): পামদবা অমসুং ব্রিদিংগীদমক মতিক চাদবা ওক লাবশীংদি মমাগী মখোম হেক খায়নবগা মশা শেমদোক্কদবনি (castrated) অমসুং ফার্ম অদুদা নোইহন্নবা শা অমা ওইনা মতুংদা মিট লৌনবগীদমক য়োন্থোক্নবা থমগদবনি। লায়না চেল্লবা শাশীং তোখায়না থম্বা: লৌনগনবা লায়নাশীংনা নারবা শাশীং থম্নবা তোখায়বা মকোন শেমগদবনি। রেকোর্দ শেমদুনা থম্বা: ফার্ম অমগী প্রোফিট নত্ত্রগা লোস (তোংবা নত্ত্রগা মাংবা) হায়বসি ফার্ম অদুদা রেকোর্দ মওং চুম্না থম্বখক্তনা খংদোকপা ঙমগনি অমসুং মসিগী মনুংদা শা অমমমগী দেটা শিট, শাশীংগী অপুনবা ষ্টোক, মচিঞ্জাক্কী রেজিষ্টর, চাদিংগী ষ্টেটমেন্ট অসিনচিংবসি য়াউগনি। সোর্স: সেন্ত্রেল এগ্রিকলচরেল য়ুনিভর্সিটি, ইম্ফাল